Lukas 13:22 - Taaz Weru Witu u Nunuwu'en Tombulu

²² Tumondongé niitu, si Yesus lumampanga mangé witi Yerusalem. Ni Sia éng kimiita witi wanua tua'na esa mangé witi wanua tua'na walina, witi wanua oki' esa mangé witi wanua oki' walina, karegas niitu ni Sia é mahtuzu' sé tou wana a langkoian-Na.

Lukas 13:22 Iomraidhean Croise

Matius 9:35

Si Yesus wo sé pahtuzu'en-Na é melili-liklik wana péléng am wanua wo wanua tua'na; ni Sia é mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung, wo mahlé'os péléng sé saki wo sé lailai.

Markus 6:6

Ni Sia é mengusi-ngusingsing, kaa ni séra zéi'kan ma'éman. A si Yesus mangé mahliklik wana am wanua i mahtuzu'.

Lukas 13:23

Am wéwéhan si tou meligau wia si Yesus, kuana, “Tuang, toyo' uman wé sé tou makailek ung katou-touan makaz ing kauré-uré?”

Lukas 9:51

Un oras ni Yesus im wénéten mangé witi kasendukan é lelezokan, a Sia tumotozla i mangé witi Yerusalem.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.