Lukas 13:16 - Taaz Weru Witu u Nunuwu'en Tombulu

¹⁶ Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”

Lukas 13:16 Iomraidhean Croise

Matius 4:10

Taan kuan ni Yesus wia si tonaas né sétang, “É tonaas né sétang, mangémo ko im wia'i! Pahpaan wéwéhan u méipantik, ‘Ni ko é léwo'zéi' i mahongkot wo mahsigi' si Mahpiara, si Opo Empungmu wo ni Sia uman si pahragésannu.’ ”

Markus 2:27

A si Yesus kumua kasiila wia ni séra, “Un endo Sabat winangun ni Opo Empung pahpaan sé tou, zéi'kan sé tou sé winangun ni Opo Empung pahpaan un endo Sabat.

Lukas 16:24

A si tou wa'ilan itii kuméréta, ‘Ama' Abraham, iraraaté ndootuumé aku. Ipekiwahu'pé'mé un tutundu' ni Lazarus wo méyépé' wahu'ené u lila'ku. Ni aku én totozo zézéha im wia un api kenu.’

Lukas 19:9

Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

2 Timutius 2:26

Karia in téntu, ni séra én toro mata'ula i ni séra é simingkéla'mola, pahpaan ni séra é mémoikapiloté im witu um wetes ni tonaas né sétang si nimapus ni séra karia um paazna.