Lukas 13:14 - Taaz Weru Witu u Nunuwu'en Tombulu

¹⁴ Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”

Lukas 13:14 Iomraidhean Croise

Matius 12:2

Mileka niitu, sé sana réwok tou Farisi kumuama wia si Yesus, “Ilekena! Sé pahtuzu'en-Nu é mahwangun an zéi'kan toro pahwangunen witu un endo Sabat.”

Markus 5:22

a méyé si tonaas um walé peraragésan né tou Yahudi makangaran Yairus. Kaiileknama si Yesus, ni sia é rengan ing kimuruza witu u saru-sarun-Na,

Lukas 6:11

Taan sé tou tulap un Torat wo sé sana réwok tou Farisi én totoz maupi', a séra mahkuaala um wangunen néra wia si Yesus.

Lukas 6:7

Sé tou tulap un Torat wo sé sana réwok tou Farisi é mena'u-na'u wia si Yesus sa sé tou wéwéhan saki é lé'osen-Na witu un endo Sabat, wo séra toro ikailekla ung kawalian i mapahsasala' ni Sia.

Lukas 8:41

A méyé wia si Yesus si tonaas um walé peraragésan né tou Yahudi makangaran Yairus. Sia kumuruzla ung gio makaz witu un tana' witu u sinaru ni Yesus, a mahaléi wia si Yesus i mangé witi waléna,

Kisah Rasul-rasul 13:15

I nimakabacamola ung kitap Torat wo um pinantik né nabi, sé tonaas um walé peraragésan é nimatuma tou i meligau wia si Paulus wo si Barnabas in téntii, “Katuari-katuari, sa kamu wéwéhan un ipahkukua i maheenté' um pa'émanen né tou kenu, ikuamoma!”

Kisah Rasul-rasul 18:17

A séra péléng matumion si Sostenes si tonaas um walé peraragésan né tou Yahudi. Im witi penonotozan, ni sia ém pahwélwélen néra taan si Galio én zéi'kan pandung.

Kisah Rasul-rasul 18:8

Taan si Krispus, si tonaas um walé peraragésan né tou Yahudi witi Korintus wo péléng sé mahento' witu um waléna é nima'éman wia si Yesus Mahpiara. Wo lakez kasii sé tou witi Korintus sé timalinga an ipahwoka' ni Paulus é nima'éman wia si Yesus wo niméhé un tou néra i sinarani.

Roma 10:2

Pahpaan totoz kata'uangku i ni séra én totoz paaz mangun ung kapaaz ni Opo Empung zozo' in zéi'kampé' kata'uan néra kura un ulit i mangun ung kapaaz-Na.