Lukas 13:13 - Taaz Weru Witu u Nunuwu'en Tombulu

¹³ A si Yesus zumeta'la u lengen-Na wia si wéwéné itii. In toro niitukan si wéwéné itii rimendaié nimakaterén a sia mahlooz si Opo Empung.

Lukas 13:13 Iomraidhean Croise

Matius 9:8

I nimilekla niitu, sé tou lakez itii maindé', a mahlooz si Opo Empung si niméhémomé ung kawasa tanu niitu wia sé tou.

Markus 16:18

tumion sé ulé' melangu wo zozo' nimelep a melangu taan ni séra én zéi'kan makura. Wo sa séra zumeta'ma u lengen néra wia sé tou saki, sé tou saki itii é malé'os.”

Markus 5:23

a sia mengimbali wia si Yesus, kuana, “Si kooki'ku ndo'tuu é saki tawimo maté. Sa tanu an toro, mangépé'mé witi waléku, wo izeta'mé u lengen-Mu wia ni sia wo sia toro malé'os, zéi'kan maté.”

Markus 6:5

Niitumo im witu si Yesus én zéi'kan nimanguné a makakompo'en, akaz uman limé'osé sé woopira tou saki karia in zimeta'la u lengen-Na wia ni séra.

Markus 8:25

A si Yesus zumeta'ma sumaup u lengen-Na witu um weren ni tou itii, a si tou itii uli-ulit mahileko wo lé'oso wo péléng am péléng ém pahilekennamo karia im wangun.

Lukas 13:12

I si Yesus nimileka si wéwéné itii, an tawahen-Namé, ang kuan-Na wia si wéwéné itii, “Ina', ni ko é lé'oso.”

Lukas 18:43

In toro niitukan, si tou letok itii é mahileko a sia kumiit si Yesus karia i mahlooz wo mahsigi' si Opo Empung. Sé tou lakez kangkasii i nimilekla niitu é mahlooz wo mahsigi' si Opo Empung.

Lukas 4:40

I nimuntepola si endo, péléng sé tou é nimahwalimé sé tou saki wia ni Sia, sé mahwali-walinaan a saki pahpendanen néra. Ni Sia én zimeta'la u lengen-Na wia si esa wo si esa a séra malé'osa.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”