Lukas 13:12 - Taaz Weru Witu u Nunuwu'en Tombulu

¹² I si Yesus nimileka si wéwéné itii, an tawahen-Namé, ang kuan-Na wia si wéwéné itii, “Ina', ni ko é lé'oso.”

Lukas 13:12 Iomraidhean Croise

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Matius 8:16

I mawengimo lakez sé tou sinelazan né sétang méipahwalimé wia si Yesus. Ni Sia makasa uman nimuwu'ma i nimohoma sé sétang itii wo i limé'osa péléng sé tou saki.

Lukas 13:11

Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén.

Lukas 13:13

A si Yesus zumeta'la u lengen-Na wia si wéwéné itii. In toro niitukan si wéwéné itii rimendaié nimakaterén a sia mahlooz si Opo Empung.

Lukas 13:16

Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”