Lukas 13:11 - Taaz Weru Witu u Nunuwu'en Tombulu

¹¹ Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén.

Lukas 13:11 Iomraidhean Croise

Matius 4:23

Si Yesus mahliklik wana péléng an tampa witi Galilea. Ni Sia mahtuzu' wana am walé peraragésan né tou Yahudi wo mahwoka' u Nuwu' Lé'os tumoro ung Kakolanoan ni Opo Empung wo mahlé'os péléng a saki wo a lailai né tou witu.

Markus 9:21

A si Yesus lumigaula wia si ama' ni koki' itii, “Urémo sia in téntu?” Am wingkotenala, “Rengané ing koki'pé' ndootuu.

Lukas 13:12

I si Yesus nimileka si wéwéné itii, an tawahen-Namé, ang kuan-Na wia si wéwéné itii, “Ina', ni ko é lé'oso.”

Lukas 13:16

Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”

Lukas 21:28

Sa niitu mahmualimo, rumendaiola wo tia'mo mahtuktuk pahpaan zéi'mo uré ni ko én ipiloto im wana an zézéha itii.”

Lukas 8:2

wo kasii sé wéwéné woopira. Sé wéwéné itii é sé winohoan ni Yesus sé sétang simelaz wia ni séra wo sé liné'os-Na im wana a saki néra. Si esa im wia sé wéwéné itii é si Maria tou Magdala, sé sétang méiwohomé im wia ni sia ém pitu.

Lukas 8:27

I si Yesus timumpamé witu u londéi, a méyé si tuama esa, ni sia é sinelazan né sétang, ni sia ém witi wanua tua'na itii a méyé. Si tuama itii én urémo in zéi'kan kimarai wo zéi'mo mahento' witi waléna, taan ni sia é mahento'mokan witi pahlewengan.

Lukas 8:43

Im wia sé tou lakez itii, wéwéhan si wéwéné mapulu' wo zuana ta'uno zézéha im pahondolan, [a sangkumna é nimaapumoma pahpaan pahwaér sé mahundam ni sia] wo zéi'kan siapa si makawawa i lumé'os ni sia.

Kisah Rasul-rasul 3:2

Im witu ém wéwéhan si tuama un a'éna é lailai rengan i nimatoumé, ni sia ém pahwulé-wulénganokan. Sekez in endo ni sia ém pengangaliné witu rété um pepenet um Walé ni Opo Empung um pahkuan Pepenet Wangun. Ni sia im witu é mengangaléi wia sé tou mémuntep witu um Walé ni Opo Empung.

Kisah Rasul-rasul 4:22

Pahpaan ung katou-touan ni tou lailai woan itii é limangkoio epatna pulu' ta'un, wo in tarékan é lé'oso.