Lukas 13:1 - Taaz Weru Witu u Nunuwu'en Tombulu

¹ In toro niitu, méyé wia si Yesus sé woopira tou. Sé tou itii mékimua wia si Yesus im wéwéhan sé tou Galilea winunu' ni Pilatus. Séra ém winunu' karegas i mahkeriz sé domba iragés wia si Opo Empung witi Yerusalem.

Lukas 13:1 Iomraidhean Croise

Matius 27:1

I maayahmo, péléng sé tonaas né walian wo sé pahtutu'an né tou Yahudi nimaréwok wo nimaesaan i munu' si Yesus.

Matius 27:2

A Sia apusen nérala an ipahwalima i maiayo wia si Pilatus, si gubernur witi tana' itii.

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 2:7

Ni séra péléng é menganga-nganga wo mengusi-ngusingsing, ang kuan néra, “Zéi'kankuaa péléng sé tou mahnuwu' itii én tou Galilea?

Kisah Rasul-rasul 5:37

Tumondongla ni sia, i si Kaisar nimeréntama i mantik a ngaran né tou i mahtata'u ung kalakez né tou, in toro niitu ém wéwéhan si makangaran Yudas, si tou Galilea. Ni sia é nimaker sé tou lakez ing kumiit ni sia sumaru sé pemerénta né Romawi. Taan ing kamurian ni sia kangkasii ém winunu', an ikaserama sé mahkii-kiit ni sia.