Lukas 12:9 - Taaz Weru Witu u Nunuwu'en Tombulu

⁹ Taan séi uman si mahkélong i ni sia én tou-Ku witu u sinaru né tou, si Oki' ni Tou kangkasii éng kumélong ni sia im witu u sinaru né malaekat ni Opo Empung.

Lukas 12:9 Iomraidhean Croise

Matius 10:33

Taan, séi uman si mahkélong ni Aku witu sinaru né tou, ni Aku kangkasii éng kumélong ni sia im witu u sinaru ni Ama'-Ku witi kasendukan.”

Matius 25:12

Taan si brédégom nimingkot umané, ‘Uli-ulit ikuakuma wia ni kamu, zéi'kan kata'uangku sa séi kamu.’ ”

Matius 25:31

Ang kuan ni Yesus, “I si Oki' ni Tou méyé karia ung kawangko'an-Na wo péléng sé malaekat é méyé karia-Na, ni Sia é rumumez witu u rurumezan-Na ing Kolano um pahsigi'en wo pahloozen.

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 7:23

In toro niitumo ni Aku makaulit ing kumua wia ni séra, ‘Ni Aku én zéi'kan nimahta'u-ta'ula ni kamu! Tumingkasa im witu u sinaru-Ku, ni kamu péléng sé memua-muali a léwo'an!’ ”

Markus 8:38

Pahpaan im wia sé tou zéi'kan ma'éman wo mahsingkéla' kenu, séi uman si maizang makaulit i mahkii-kiit ni Aku wo pahpaan an ipahkua-Ku, si Oki' ni Tou kangkasii é maizang pahpaan si tou itii, i ni Sia méyé sumaup karia ung kawangko'an ni Ama'-Na kinariamé né malaekat lenas.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 22:57

Taan si Petrus é mahkélong uman, kuana, “Ina', zéi'kan kata'uangku Sia!”

Lukas 9:26

Pahpaan séi uman si maizang makaulit i mahkii-kiit ni Aku wo an ipahkua-Ku, si Oki' ni Tou kangkasii é maizang i makaulit i si tou itii é mahkii-kiit ni Aku wo an ipahtuzu'-Ku, i ni Sia méyé sumaup karia ung kawasa-Na wo ung kawasa ni Ama'-Na wo né malaekat lenas.

2 Timutius 2:12

Sa kita ezen im wana an zézéha, ni kita é mamerénta karia-Na. Taan sa kita mahkélong ni Sia, ni Sia kangkasii éng kumélong ni kita.

1 Yohanes 2:23

Pahpaan séi si mahkélong si Oki', ni sia kangkasii én zéi'kan makaanu si Ama'. Séi si makaulitla i ma'éman wia si Oki', ni sia kangkasii é makaanu si Ama'.

1 Yohanes 2:28

Niitumo in tarékan, é kamu sé oki'ku, ni kamu é léwo'zéi' i menou-nou nimaesa karia ni Kristus, wo sa Sia méyémo sumaup im witu un endo itii, ni kita én zéi'kan maindé' wo zéi'kan maizang wia ni Sia.

Wahyu 3:8

Kata'uang-Ku péléng am pahpaayangen niou. Ilekena, ni Aku é nimukamoma um pepenet wia ni kamu, wo zéi'kan siapa zozo' in esa si toro menet niitu. Kata'uang-Ku i ni kamu én zéi'kan tahlos enté'. Taan zozo' in téntu, ni kamu é mahkiit a nuwu'-Ku wo zéi'kan kawisa mahkua in zéi'kan ma'éman ni Aku.