Lukas 12:8 - Taaz Weru Witu u Nunuwu'en Tombulu

⁸ Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Lukas 12:8 Iomraidhean Croise

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

2 Timutius 2:12

Sa kita ezen im wana an zézéha, ni kita é mamerénta karia-Na. Taan sa kita mahkélong ni Sia, ni Sia kangkasii éng kumélong ni kita.

1 Yohanes 2:23

Pahpaan séi si mahkélong si Oki', ni sia kangkasii én zéi'kan makaanu si Ama'. Séi si makaulitla i ma'éman wia si Oki', ni sia kangkasii é makaanu si Ama'.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.