Lukas 12:56 - Taaz Weru Witu u Nunuwu'en Tombulu

⁵⁶ É kamu in tou mahgau-gau lé'os! A mahmuali wia ung kaayahan wo witi langit én toro kata'uan niou ung kalakoana. Kaa zéi'kan kata'uan niou ung kalakoan a mahmuali in tarékan am pahpaayangen ni Opo Empung?”

Lukas 12:56 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Matius 16:3

Wo im woondo, ileken nioua u langit é rimangdang a marimbengbenga, kuan niouo: In tarékan é muzan. Ni kamu é mata'u i mahtotoz un endo taan ni kamu én zéi'kan mata'u tumotoz am pahwangunen ni Opo Empung in tarékan.

Matius 6:2

Niitumo, sa ni kamu méhé a sasawang wia sé tou zéi'kan siapa apa, tia'mo ipahwowoka' niou tanu am pahwangunen né tou mahgau-gau lé'os im wana am walé peraragésan né tou Yahudi kaapa wana a lalan, i mekilooz. Uli-ulit ikua-Kuma wia ni kamu: Ni séra é nimakailekola um wawaér wia ni séra.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.