Lukas 12:42 - Taaz Weru Witu u Nunuwu'en Tombulu

⁴² Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 12:42 Iomraidhean Croise

Matius 13:52

Ang kuan ni Yesus wia ni séra, “Niitumo, péléng sé tou tulap un Torat sé timalingamo an tutuzu' tumoro ung Kakolanoan ni Opo Empung én tanu si makawalé si nimondolé péléng a sangkum werupé' wo an urémo im wana am pahtu'tulan a sangkumna.”

Matius 20:8

Im wengimo, a si makauma itii kumuala wia si menénéiz sé mememendu, ‘Tawahené péléng sé mememendu itii wo séra waérala, rengané im wia sé nimaayang totoz kamurian makaz wia sé nimaayang kataré-taré.’

Lukas 12:43

Mahpaa-paazla si ata si méileken ni tuangna i nimawurimé, mahpaayang am paayangenna.

Lukas 7:13

I si Yesus nimileka si wéwéné itii, mawiamé u raraatéan-Na. Ang kuan-Na, “Ina', tia'mo mahamé'!”

Lukas 7:19

an tawahennala sé zua im wia sé pahtuzu'enna, an iatunama séra zua mangé wia si Yesus i malumigau téntii, “Ama', apa ni Komo si méitaaz ni Opo Empung i méyé, kaapa wéwéhan tou walina si totoz in ento'en nai?”

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Timutius 3:15

wo zozo' ni aku ikauréma, kata'uannumo kura sé tou léwo'zéi' menou-nou i sana awu ni Opo Empung. Sé sana awu ni Opo Empung ém péléng sé jamaat sé anu ni Opo Empung si menou-nou. Sé jamaat kenumo sé nimaéndo to'tolan an tutuzu' ulit ni Opo Empung tanu an tombol wo an to'tolan u nimenté' um walé.

1 Timutius 5:17

Sé penatua sé uli-ulit mahpaayang am papaayangen néra é léwo'zéi' makailek u sisigi'an u makazuamé, lumouspé' kasiimé é sé siga' i mahwoka' u Nuwu' ni Opo Empung wo i mahtuzu' sé jamaat.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Ibrani 13:17

Pahtali-talingala sé tonaas niou wo mahkii-kiitla ni séra, pahpaan si Opo Empung si niméhé um paayangen wia ni séra in tuméiz um pa'émanen niou in tou mahwangun a méiatu ni Opo Empung. Karia in téntu, ni séra i mahtéiz um pa'émanen niou éng karia i mahpaa-paaz, zéi'kan karia i mema'o-ma'os. Pahpaan sa séra mema'o-ma'os, um pahpaayangen néra én zéi'kan siapa torona im wia ni kamu.

Ibrani 13:7

Genangen nioula sé tonaas niou im puuna sé nimahwoka'momé u Nuwu' ni Opo Empung wia ni kamu. Wéhan nioula genang kura ung katou-touan néra makaz ni séra i nimaté wo kéréala um pa'émanen néra.

Ibrani 3:5

Si Musa in ata é mahwangun péléng a méiatu ni Opo Empung witi Walé-Na, un tumuzu'mé tumoro an ikua ni Opo Empung in tumondong.

1 Petrus 4:10

Ni kamu si esa wo si esa ém winéhan un tatambér ni Opo Empung. Niitumo ni kamu sé tou lé'os mengimek an tatambér itii, pahimekela lé'os a méitambéré itii i mahsawang sé tou walina.