Lukas 12:37 - Taaz Weru Witu u Nunuwu'en Tombulu

³⁷ Mahpaa-paazla sé ata sé timégam i méileken ni tuang néra. Uli-ulit ikua-Kuma wia ni kamu, si tuang néra itii é mimek un touna, tawahennamé sé ata ing kuman wo ni sia si masumelewir sé atana.

Lukas 12:37 Iomraidhean Croise

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Lukas 12:36

Ni kamu kangkasii é léwo'zéi' tanu sé ata ma'ento' si tuang i mawurimé im witi pahkawéngan, wo sa sia tuméngkoré ni séra é rengan i mukama um pepenet.

Lukas 12:43

Mahpaa-paazla si ata si méileken ni tuangna i nimawurimé, mahpaayang am paayangenna.

Lukas 17:8

Tantu én zéi'kan, taantaré wia si ata itii éng kuaan niou: Imekenomé ung kanenengku. Mimekla ko wo selewirené ni aku akaz ni aku makakanla wo makaelepla. Sa ni aku nimakaapumola wo taré ko toro kuman wo melep.

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Lukas 22:27

Pahpaan séi wé si totoz wangko', si rimumez mahkan kaapa si mahselewir? Zéi'kankuaa si rimumez mahkan? Taan ni Aku ém witu un unez niou mahselewir ni kamu.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

Filipi 1:21

Pahpaan sa ni aku, ung katou-touan ém wia uman si Kristus wo sa aku matéma niitu éng kauntungan.

Filipi 1:23

Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

2 Petrus 1:11

Karia in téntu, zéi'kan siapa si mahapé-apé' wia ni kamu i muntep witu ung Kakolanoan ni Opo Empung, um pahwéha-wéhan makaz ing kauré-uré ni Yesus Kristus, Mahpiara, si nimilot ni kita im witu un ukuman wana a singkéla'.

2 Petrus 3:14

Niitumo katuari-katuari ikararaatéku, karegas ni kamu i ma'ento' niana péléng i mamuali, ni kamu é léwo'zéi' mahtututu' i menou-nou totoz weresi wo zéi'kan siapa pahséro'an witu u sinaru ni Opo Empung, wo mahlé'o-lé'osan karia-Na.

Wahyu 14:13

An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”

Wahyu 3:21

Séi si nimuntung, énéang-Ku i marumumez karia-Ku witu u rurumezang-Ku ing Kolano, tanu ni Aku i nimuntungo wo rimumez mahwali-wali karia ni Ama'-Ku witu u rurumezan-Na ing Kolano.

Wahyu 7:17

Pahpaan si Anak ni Domba si rimumez witu un unez u rurumezan ni Kolano itii é mamiara ni séra wo mahwali ni séra i mamelep witi kembu'an u mahwéhémé ung katou-touan. Wo si Opo Empung é misu' péléng a lué' néra.”