Lukas 12:32 - Taaz Weru Witu u Nunuwu'en Tombulu

³² Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 12:32 Iomraidhean Croise

Matius 14:27

Taan si Yesus é rengan ing kimuama wia ni séra, “Menesola! Kenu é ni Aku, tia'mo maindé'!”

Matius 20:16

Ang kuan kasii ni Yesus, “Téntu kangkasii si tou ipahmuri-muri é maéndo ipahpuu-puuna wo si ipahpuu-puuna é maéndo ipahmuri-muri.”

Matius 25:34

Tumondong niitu, si Kolano éng kumua wia sé tou witu ung kakan-Na in téntii, ‘Méyémo, é kamu sé kinamango ni Ama'-Ku. Muntepomé witu ung Kakolanoan u niimeko wia ni kamu rengané ung kaayahan kenu im winangun.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Lukas 10:21

In toro niitu, si Yesus é mahpaa-paaz wo mawuta-wuta ung kawasa ni Roh Lenas. Ang kuan ni Yesus, “Ni Aku kumuama u makasé wia ni Ko, Ama', Opo Empung u langit wo ung kaayahan. Pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'. Niitu u nimangun un até ni Ama' i mahpaa-paaz.

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

Roma 6:23

Pahpaan um wawaér i mahsingkéla' ém patéan, taan un tatambér ni Opo Empung éng katou-touan makaz ing kauré-uré pahpaan nimaesa karia ni Kristus Yesus, si Mahpiarata.

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

Filipi 2:13

Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

2 Tesalonika 1:11

Pahpaano niitu, ni kamu én zéi'kan mazéi' in ipahpengaléi nai, wo si Opo Empung gumenang ni kamu wangun menou-nou in tou sé tinawahmo ing kumiit ni Sia. Ni kai kasii mengaléi wia si Opo Empung karia ung kawasa-Na in tumulung ni kamu sumampet péléng am wangun ang ginenang niou im wangunen wo i sumampet péléng am paayangen niou pahpaan ma'éman wia ni Sia.

2 Tesalonika 1:5

Niitu un tumuzu'mé i si Opo Empung én zéi'kan mahsanaweka i mahtotoz ulit kaapa zéi'kan am pahwangunen né tou. Ni kamu in tarékan én zézéha pahpaan mahtali-talinga wia si Opo Empung, niitumo ni Sia kimua i ni kamu ém wangun i muntep witi Kakolanoan-Na.

Ibrani 12:28

Niitumo, pahpaan ni kita é nimaéndomo tou ni Opo Empung witi Kakolanoan-Na un zéi'kan mamuali in iéhzo', méyémo kita mapaayo u makasé wo rumagés wia si Opo Empung u mahwangun ni Sia mahpaa-paaz. Ni kita i mahragés wia ni Sia éng karia i mahsigi' wo maindé' ni Sia.

Yakobus 2:5

Katuari-katuari ikararaatéku! Talingana, zéi'kankuaa si Opo Empung é niméléng sé tou sé pahkuan né tou wia ung kaayahan kenu in tou zéi'kan siapa apa, i maéndo tou wa'ilan witu um pa'émanen, wo maéndo tou-Na witi Kakolanoan-Na, tanu u méitaaz-Na wia sé tou rumaraaté ni Sia?

2 Petrus 1:11

Karia in téntu, zéi'kan siapa si mahapé-apé' wia ni kamu i muntep witu ung Kakolanoan ni Opo Empung, um pahwéha-wéhan makaz ing kauré-uré ni Yesus Kristus, Mahpiara, si nimilot ni kita im witu un ukuman wana a singkéla'.

Wahyu 1:6

wo nimangun ni kita i maéndo tou-Na witi Kakolanoan-Na, wo kasii maéndo walian mahpaayang wia si Opo Empung, si Ama'-Na. Wia ni Sia u lolooz wo u sisigi'an wo ung kawasa makaz ing kauré-uré. Amin.

Wahyu 22:5

Im witu um wanua tua'na itii én zéi'mo siapa wengi wo péléng am witu én zéi'mo memandung sena' u solo wo u sena' ni endo, pahpaan si Opo Empung si nimaéndo sena' i mahsena'ma wia ni séra. Wo ni séra é merénta ing kolano makaz ing kauré-uré.