Lukas 12:18 - Taaz Weru Witu u Nunuwu'en Tombulu

¹⁸ Ang kuana, ‘Téntii um wangunengku: Am pahlé'osan am pahupu'en éng gogaren wo mangun an tumua'napé'mé makaz péléng am pahupu'engku wo a sangkumku én toro ipahlé'os witu.’

Lukas 12:18 Iomraidhean Croise

Matius 6:26

Ileken nioua sé tumétéwél witi langit, sé zéi'kan mahkeroz wo zéi'kan mahupu' wo zéi'kan mahréwoké ang kakanen wana an tatahu'an, taan si Ama' niou witi kasendukan é mahwéhémé ang kakanen wia ni séra. Zéi'kankuaa ni kamupé' sé ipahpuu-puuna taan sé tumétéwél itii?

Lukas 12:17

A si tou itii megena-genang in téntii, ‘Kuramo um wangunengku, am pahupu'en wana an umaku én zéi'mo siapa lé'osan.’

Lukas 12:19

Tumondong niitu ni aku éng kumua witu un touku in esa in téntii, ‘Ni aku én totozo wa'ilan, am pahupu'en ém wangun wo kumuwu-kuwu, pahta'unan ing kuman niana. Niitumo in tarékan ni aku én toro kumana'pé'la. Kuman wo melepé'la karia i mahpaa-paaz.’

Lukas 12:21

Téntu u mamuali wia si tou si mahtututu' uman i mahréwok a sangkumna, taan zéi'kan mahtututu' i maéndo wa'ilan witu u sinaru ni Opo Empung.’ ”

Lukas 12:24

Amoké ileken nioula sé kokoak, zéi'kan mahkeroz wo zéi'kan mahupu', zéi'kan siapa pahtahu'an kaapa pahlé'osan an niupu', taan zozo'pé' in téntu si Opo Empung si mahwéhé ang kakanen néra. Ni kamupé' sé ipahpuu-puuna taan sé kokoak itii!

Lukas 18:4

Ing kataré-taré si menonotoz mahsanaweka itii é soo sumawang si wéwéné mahesa-esamokan itii. Taan ing kamurian si menonotoz mahsanaweka itii éng gimenangkala in téntii: ‘Zozo' ni aku zéi'kan maindé' si Opo Empung wo zéi'kan mahsigi' sé tou walina,

Lukas 18:6

Ang kuan ni Yesus, “Wéhanla genang a méikuama ni menonotoz mahsanaweka itii!

Yakobus 3:15

Ung katulapan tanu niitu én zéi'kan witi kasendukan a méyé taan wia ung kaayahan a méyé, witu u lelo ni tou wo wia sé sétang a méyé.

Yakobus 4:13

Niitumo, é kamu sé mahkua in téntii, “In endo kenu kaapa i sando, ni kai é mangé witi wanua kenuma, im wana ni kai é mento' sana ta'un wo mahwangké-wangkér i menéro zoit”,

Yakobus 4:15

Un ulitna ni kamu é léwo'zéi' ing kumuala, “Sa énéané ni Mahpiara, ni kai é mamenou-nou wo mangun ang kenu kaapa ang kenuma.”