Lukas 12:17 - Taaz Weru Witu u Nunuwu'en Tombulu

¹⁷ A si tou itii megena-genang in téntii, ‘Kuramo um wangunengku, am pahupu'en wana an umaku én zéi'mo siapa lé'osan.’

Lukas 12:17 Iomraidhean Croise

Matius 16:7

Kaitalingamé u méikuamé ni Yesus, a séra makagena-genangla a mahkuaala, “Niitu méikua-Namé pahpaan ni kita én zéi'kan nimahalimé roti.”

Matius 5:42

Wéhanla si tou mahaléi wia ni kamu wo pinjangala sa wéwéhan si tou mahpipinjang wia ni kamu.”

Lukas 10:25

Makasamé, wéwéhan si tou tulap un Torat rimendaié i mahwawa'wa' si Yesus, kuana, “Méster, apa u léwo'zéi' wangunengku i makailek ung katou-touan makaz ing kauré-uré?”

Lukas 11:41

Pahpaano niitu, am witu um pengengelepan wo am witu ung kakanan niou én iwéhéla wia sé tou zéi'kan siapa apa. Wéhanla wana an anu niou sé tou zéi'kan siapa apa. Niitumo u mangun un tou wo un até niou uli-ulit weresi.

Lukas 12:16

A si Yesus kumuama un aandéan, kuan-Na, “Wéwéhan si tou totoz wa'ilan. Am pahupu'en wana an umana én totoz lakez.

Lukas 12:18

Ang kuana, ‘Téntii um wangunengku: Am pahlé'osan am pahupu'en éng gogaren wo mangun an tumua'napé'mé makaz péléng am pahupu'engku wo a sangkumku én toro ipahlé'os witu.’

Lukas 12:22

Ang kuan ni Yesus wia sé pahtuzu'en-Na, “Niitumo ikua-Kuma wia ni kamu, tia'mo ikaarét ung katou-touan niou, tumoro ung kanen niou wo tia' kangkasii ikaarét un awak niou, tumoro ang karaien niou.

Lukas 12:29

Niitumo, tia'mo kamu megena-genang ang kanen wo an elepen niou wo tia'mo paharétan un até niou.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 16:3

Witu ung genangna, ni sia é mahkua, ‘Ni aku é zéi'eno ni tuangku i melélé'os an zoitna. Apa un totoz wangunengku in tarékan? Mamahi', ni aku én zéi'kan makawawa. Mamengangaléi, ni aku é maizang.

Lukas 16:9

Ikua-Kuma wia ni kamu, ung kawa'ilanan niou wia ung kaayahan én ipahsawangla sé tou wo malakezé sé kakaria niou. Sa ung kawa'ilanan niou maapuma, lakez sé sumungkulé ni kamu witi pahwéha-wéhan niou makaz ing kauré-uré.

Lukas 18:22

Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 19:17

Ang kuana wia si tou itii, ‘Totoz wangun um winangunmula itii, ni ko én ata wangun. Ni ko én toro pa'émanen i mahpaayang an totoz kori', niitumo ni ko ém wéhan ung kawasa i maéndo tonaas witu u mapulu' wanua tua'na.’

Lukas 3:11

A sia mingkotla, “Séi si wéwéhan karai zua, un esa én iwéhéla wia si zéi'kan siapa karai. Si tou wéwéhan kakanen, wéténgala sé zéi'kan siapa kakanen.”

Kisah Rasul-rasul 16:30

A séra zua iondolnamé im witu um bui, ang kumuama, “É tuang, apa u léwo'zéi' im wangunengku wo ni aku toro ipilot im witu un ukuman wana a singkéla'?”

Kisah Rasul-rasul 2:37

In timalingala niitu péléng, ni séra én totoz mene'sel a meligau wia si Petrus wo sé aatu walina, “Katuari-katuari, apa u léwo'zéi' im wangunen nai?”

Roma 12:13

Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

1 Yohanes 3:16

Karia ang kenumo ni kita mata'u u raraatéan ni Kristus, i si Kristus é nimayomo un tou-Na wia ni kita. Niitumo ni kita kangkasii é léwo'zéi' i mayola un touta wia sé katuarita esa pa'émanen.