Lukas 12:10 - Taaz Weru Witu u Nunuwu'en Tombulu

¹⁰ Si tou mahkuama a mahsaru si Oki' ni Tou, ni sia ém wéhan ampungan. Taan si tou mahséro' wia si Roh Lenas, ni sia én zéi'kan wéhan ampungan.

Lukas 12:10 Iomraidhean Croise

Lukas 23:34

[A si Yesus kumua, “Ama', ampungan ndootuumé séra pahpaan zéi'kan kata'uan néra am pahmualin néra.”] A séra sumawut u lot i mahwéwéténg ung karai-Na.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

1 Yohanes 5:16

Sa wéwéhan si tou milekla si katuarina esa pa'émanen mangunla a singkéla' an zéi'kan mangun ni sia i makailek um patéan, ni sia é léwo'zéi' in ipengaléi nioula wia si Opo Empung. Si Opo Empung é méhé ung katou-touan wia si tou si nimangunla a singkéla' itii. Niia kangkasii én tumoro sé tou nimangunla a singkéla' an zéi'kan nimangun ni séra i nimakailek um patéan. Taan wéwéhan u singkéla' u nimangun si tou i nimakailek um patéan. Tumoro niitu, ni aku én zéi'kan kumuama i ni sia é léwo'zéi' in ipengaléi nioula.