Lukas 11:8 - Taaz Weru Witu u Nunuwu'en Tombulu

⁸ Ikua-Kuma wia ni kamu, maanpé' ni séra zua é mahkaloan, si kalo witu um walé itii é soo tumooz i méhé um pahaléien ni kalona. Taan pahpaan si kalona én zéi'kan maizang i mengalé-ngaléi, si tou witu un untep um walé én timoozkané a méhéma um pahaléien ni kalona.

Lukas 11:8 Iomraidhean Croise

Lukas 11:7

Taan si kalona itii, si witi untep um walé é nimingkoté in téntii, ‘Tia'mo mahraung ni aku! Um pepenet éng kinusi'kumomé, ni aku wo sé koki'ku én timekelo. Ni aku é zéi'kan mata'u tumooz i méhé um pahaléiennu.’

Roma 15:30

Pahpaan ni aku nima'esamo karia ni Yesus Kristus si Mahpiarata wo karia u raraatéan ni Roh Lenas, ni aku mahaléi wia ni kamu katuari-katuari wo kita enté' i mahmengaléi mahwali-wali tumoro ni aku wia si Opo Empung.

2 Korintus 12:8

Tumoro u saki kenu, ni aku é makatelumo nimahaléi wia si Opo Empung i lumé'os u sakiku.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.