Lukas 11:53 - Taaz Weru Witu u Nunuwu'en Tombulu

⁵³ Kumawusa niitu, si Yesus tumula'umé un tampa itii. Rengané in toro niitu, sé tou tulap un Torat wo sé sana réwok tou Farisi én zéi'kan mazéi' i mahsaru wo lakez am pahligauen néra wia si Yesus.

Lukas 11:53 Iomraidhean Croise

Lukas 11:52

Ikaléwo'la ni kamu in tou tulap un Torat! Pahpaan ni kamu é mata'umo kura ing kumiit si Opo Empung, taan ni kamu é soo kumiit niitu. Lumouspé'mé niitu, pahapé-apé'an niou sé tou paaz mahtata'u kura ing kumiit si Opo Empung. Niana é masuat wo ni kamu én timion ung kusi' u loloangan i muntep witu ung kata'uan tumoro si Opo Empung, taan ung kusi' itii é méilé'os niou uman wo sé tou mahuuntep witu ém pahapé-apé'an niou uman.”

Lukas 11:54

Ni séra é menéro-néro a sinala' ni Yesus, wo Sia toro tionan néra pahpaan an ipahkua-Na.

Lukas 20:20

Sé tou tulap un Torat wo sé tonaas né walian nimatuma sé tou i mangé mahtata'u si Yesus. Sé tou itii é mahtowo-towo tanu tou ulit mangé wia si Yesus i mahwewetes ni Sia karia u liligau, wo Sia toro iayo néra witu ung kawasa ni gubernur né pemerénta Romawi.

Lukas 20:27

A méyé wia si Yesus sé woopira tou im wia sé sana réwok tou Saduki sé zéi'kan ma'éman tumoro si tou nimatémo én itou sumaup. Ni séra meligau wia ni Sia,

Kisah Rasul-rasul 26:9

Im puuna, ni aku kangkasii é mahgenangla i ni aku é léwo'zéi' mahsaru sé tou sé mahwoka' u ngaran ni Yesus, si tou Nazaret itii.

1 Korintus 13:5

Ni sia én zéi'kan mahwangun an zéi'kan mata'u un adat wo zéi'kan mahgenang uman un touna in esa. Ni sia én zéi'kan uupi'en wo zéi'kan megena-genang ang kasumalaan né tou walina.

2 Korintus 8:6

Pahpaano niitu, si Titus pahlusun nai mangé wia ni kamu i sumampet um paayangenna um wangun u méito'tolnama i mahsawang ni kamu mahréwok an zoit sasawang makaz niana nimaréwok.