Lukas 11:45 - Taaz Weru Witu u Nunuwu'en Tombulu

⁴⁵ Wéwéhan si esa im wia sé tou tulap un Torat kimua wia si Yesus, “Méster, ni Ko i mahkuamé an téntu, ni Ko é mahséro'mo wia ni kai kangkasii.”

Lukas 11:45 Iomraidhean Croise

Matius 22:35

Wéwéhan si esaané im wia ni séra, si tou tulap un Torat mema'wa' si Yesus. Ni sia é meligau,

Lukas 11:46

Taan si Yesus mingkotla, “Ikaléwo'mo ni kamu in tou tulap un Torat! Pahpaan ni kamu é melusu-lusu sé tou i mangun an zéi'kan kawawaan néra wo an tinotoz niou, taan ni kamu é soo sumawang sé tou i mangun an tinotoz itii.

Lukas 11:52

Ikaléwo'la ni kamu in tou tulap un Torat! Pahpaan ni kamu é mata'umo kura ing kumiit si Opo Empung, taan ni kamu é soo kumiit niitu. Lumouspé'mé niitu, pahapé-apé'an niou sé tou paaz mahtata'u kura ing kumiit si Opo Empung. Niana é masuat wo ni kamu én timion ung kusi' u loloangan i muntep witu ung kata'uan tumoro si Opo Empung, taan ung kusi' itii é méilé'os niou uman wo sé tou mahuuntep witu ém pahapé-apé'an niou uman.”

Lukas 7:30

Taan sé wia sé sana réwok tou Farisi wo sé tou tulap un Torat é soo ung ginenang ni Opo Empung witu ung katou-touan néra, pahpaan ni séra é soo i saranin ni Yohanes.

Yohanes 7:48

Wéwéhan wé si esaané im wia sé tonaas kaapa si esaané im wia sé sana réwok tou Farisi ma'éman ni Sia?

Yohanes 7:7

Sé tou wia ung kaayahan én zéi'kan mamuali i mazi'zis ni kamu, taan ni Aku én ikazi'zis néra pahpaan ni Aku sekezé mahkua am pahwangunen néra é léwo'an.

Yohanes 9:40

A méikua-Nama itii én tinalingama né woopira im wia sé sana réwok tou Farisi sé witu, a séra meligau wia ni Sia, “Apa ni kai kangkasii é letok?”