Lukas 11:4 - Taaz Weru Witu u Nunuwu'en Tombulu

⁴ Ampungané ni kai im wana a singkéla' nai, pahpaan ni kai kangkasii é niméhémola un ampungan wia sé tou simala'la wia ni kai. Wo tia'mo ni kai ipahwali witu um pema'waan.”

Lukas 11:4 Iomraidhean Croise

Matius 18:35

Téntumo kangkasii um wangunen ni Ama'-Ku si witi kasendukan wia ni kamu. Ni kamu si esa wo si esa én ukumen-Na sa kamu zéi'kan uli-ulit méhéla ampungan wia si katuarimu.”

Matius 26:41

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Lukas 11:5

Ang kuan ni Yesus wia ni séra, “Sa esaané im wia ni kamu ém wéwéhan si kalo, im wengi uré nimangémé wia ni sia, ang kumuala, ‘Kalo, pinjangampé' ndootuumé roti telu ni aku,

Lukas 13:4

Kaapa pahgenangen nioula sé mapulu' wo walu tou, sé nimaté ing kinaempisan u menara witi rété u Siloam, a singkéla' nérapé' u lakez taan a singkéla' péléng né tou sé mahento' witi Yerusalem?

Lukas 22:46

Ang kuan-Na wia ni séra, “Kaa ni kamu timekel uman? Tumoozomé wo mengaléiola, wo kamu zéi'kan ikakiit witu um pema'wa'en.”

Lukas 8:13

A méikagogo wana an tana' watu-watun é sé tou timalingama u Nuwu' ni Opo Empung a sumungkul niitu karia mahpaa-paaz taan zéi'kan nimahmut witu un até néra. Ni séra nima'éman taan zéi'kan nimauréma, i méyé um pema'wa'en, ni séra soomo ma'éman.

Yohanes 17:15

Ni Aku zéi'kan mahaléi, wo séra éndona ni Ama' im wia ung kaayahan kenu, taan wo séra téizan ni Ama' im wia si tonaas né sétang.

1 Korintus 10:13

Ni kamu ém pahwa'wa'en karia am pema'wa'en ang kinanaram im pahpendanen né tou, un toro pengalin niou. Pahpaan si Opo Empung zéi'kan maliuz wana a méitaaz-Na, niitumo zéi'kan iwaya-Na ni kamu im pema'wa'en karia am pema'wa'en an zéi'kan kawawaan niou. Sekez kamu i mahsaru am pema'wa'en, si Opo Empung é méhé lalan wia ni kamu makaz ni kamu makawawa i mahsaru am pema'wa'en itii.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

2 Tesalonika 3:3

Taan si Mahpiara én zéi'kan maliuz wana a méitaaz-Na. Ni Sia é menté' an até niou wo kumelung ni kamu im wia si léwo'.

2 Timutius 4:18

Si Yesus Mahpiara é milot ni aku im wana ang genang léwo' né tou wia ni aku. Ni Sia é milot ni aku wo mahwali ni aku i muntep witu ung Kakolanoan-Na witi kasendukan. U sigi wo looz wia uman ni Sia makaz ing kauré-uré! Amin.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.