Lukas 11:32 - Taaz Weru Witu u Nunuwu'en Tombulu

³² Im witu un endo itii kangkasii, sé tou Niniwe én itou sumaup karia né tou in tarékan i matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna, si Tou si mahwali-wali karia niou in tarékan é lumouspé'mé si nabi Yunus.”

Lukas 11:32 Iomraidhean Croise

Matius 12:39

Taan kuan-Na wia ni séra, “Sé tou in tarékan én tahlouso. Ni séra é mahaléi ni Aku i mapailek u makakompo'en, taan ni séra én zéi'kan papailekang-Ku um pahaléien néra, akaz uman u makakompo'en u nimamuali wia si nabi Yunus.

Matius 12:41

Im witu un endo si Opo Empung in tumotoz ulit kaapa zéi'kan am pahwangunen né tou, sé tou Niniwe én itou sumaup karia né tou in tarékan wo kasii matumotoz ulit kaapa zéi'kan am pahwangunen néra. Pahpaan sé tou Niniwe én timula'ula a singkéla' néra in timalingala a méipahwoka' ni nabi Yunus, wo un ulitna si Tou si mahwali-wali karia niou in tarékan é lumouspé'mé si nabi Yunus!

Lukas 11:31

Witu un endo si Opo Empung in tumotoz ulit kaapa zéi'kan am pahwangunen né tou, si kolano wéwéné makangaran Syeba si witi wanua zou' witi timuh én itou sumaup karia né tou in tarékan wo ni sia kasii é matumotoz ulit kaapa zéi'kan am pahwangunen néra. Pahpaan ni sia ém witi pondol ung kaayahan a méyé i métumalinga ung katulapan ni Salomo, wo un ulitna si Tou si mahwali-wali karia niou in tarékan é lumouspé'mé si Salomo, taan ni kamu é soo tumalinga am pahkua-Na.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.