Lukas 11:19 - Taaz Weru Witu u Nunuwu'en Tombulu

¹⁹ Niitumo, sa ni Aku mahwoho sé sétang karia ung kawasa ni Beelzebul, karia ung kawasa ni séi sé pahtuzu'en niou i mahwoho sé sétang? Pahpaano niitu, sé pahtuzu'en niou sé tumuzumé sa an ipahtoké niou itii é simala'.

Lukas 11:19 Iomraidhean Croise

Matius 10:25

Sa si pahtuzu'en masuato wo si mésterna, niitu én toromo wo sa si ata masuato wo si tuangna, niitu én toromo. Sa si makawalé ém pahkuan im Beelzebul, apapé' kasii sé tou witu um walé itii.

Matius 4:24

An ikaolanga u sirita tumoro si Yesus wana péléng an tampa witi Siria. Niitumo sé tou mahwalimé péléng sé tou saki, sé tou totoz zézéha pahpaan a saki néra an zéi'mo kaezenan, sé tou sinelazan né sétang, sé mati-mati ayang wo sé lailai, a séra pakalé'osena ni Yesus.

Lukas 19:22

Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku.

Lukas 9:49

Kuan ni Yohanes wia si Yesus, “Méster, niilek nai im wéwéhan si tou nimoho si sétang karia u ngaran ni Méster. Sinéro' nai si tou itii in tia' mahpaké u ngaran ni Méster, pahpaan ni sia én zéi'kan esaané im wia ni kita.”

Kisah Rasul-rasul 19:13

Wéwéhan kasii sé woopira tou Yahudi sé meriara, melili-liklik un tana' itii wo mahwawa-wa'wa' i mahwoho sé sétang simelaz wia sé tou karia u ngaran ni Yesus Mahpiara. Kuan néra wia sé sétang itii, “Karia u ngaran ni Yesus si ipahwoka' ni Paulus, mondolé im wia sé tou kenu!”

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.