Lukas 11:10 - Taaz Weru Witu u Nunuwu'en Tombulu

¹⁰ Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

Lukas 11:10 Iomraidhean Croise

Matius 5:42

Wéhanla si tou mahaléi wia ni kamu wo pinjangala sa wéwéhan si tou mahpipinjang wia ni kamu.”

Matius 7:8

Pahpaan séi uman si mahaléi ém wéhan, séi uman si mahpenéro é makailek wo séi uman si mahténgkor ém wukaan pepenet.

Lukas 11:11

Im wia ni kamu, apa wéwéhan si ama' si méhé ulé' wia si oki'na sa si oki'na mahaléi seza'?

Lukas 11:9

Niitumo, ikua-Kuma wia ni kamu: Mahaléila, ni kamu ém wéhan. Menérola, ni kamu é makailek. Tuméngkorla, ni kamu ém wukaan um pepenet.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Yakobus 4:3

Kaapa ni kamu é nimengaléitaréla, taan zéi'kan siapa ang kinailekan nioula, pahpaan am pahaléien niou i mengaléi é simala'. Am pahaléien niou é mahwuwutul uman a lelo léwo' un awak niou.

Yakobus 5:11

Ni séra ém pahkuan i mahpaa-paazo, pahpaan ni séra én totoz ezen i mahsaru an zézéha. Ni kamu én timalingamo ung kaezenan ni Ayub wo kata'uan niouo ing kamurian kura si Mahpiara ing kimamang ni sia. Pahpaan si Mahpiara én totoz rumaraaté wo meripu' umané i rumaraaté.