Lukas 10:7 - Taaz Weru Witu u Nunuwu'en Tombulu

⁷ Sa kamu sungkulela ni makawalé, ni kamu é mento'mola witu um walé itii wo tia'mo mahééra wana am walé walina, wo kuman wo melepola apa uman un iwéhéla ni makawalé. Pahpaan si tou mahpaayang ém wangun i makailek um wawaér.

Lukas 10:7 Iomraidhean Croise

Markus 6:10

Ang kuan kasii ni Yesus, “Sa kamu tumulila witu um walé wo si makawalé é sumungkula ni kamu, mento'mola witu makaz ni kamu mondolé im witu.

Lukas 10:6

Sa witu um walé itii ém wéwéhan si tou paaz u mahlé'o-lé'osan, u méikua nioua ém wéwéhan torona im wia si tou itii. Taan sa zéi'kan siapa tou paaz u méikua nioua, u méikua nioua itii é mawurimé wia ni kamu.

Lukas 9:4

Sa kamu muntepla witu um walé wo si makawalé sumungkula ni kamu, mento'mola witu makaz ni kamu in tumula'umé un tampa itii.

Kisah Rasul-rasul 16:15

Si wéwéné itii wo sé sana awuna é sinaranila. A sia tumawahmé ni kai, kuana, “Sa pahgenangen nioula ni aku én uli-ulit ma'éman wia si Mahpiara, méyémo mamento' witi waléku.” Ni sia én totoz menutu' ni kai makaz ung kapaazna kiniitan naila.

Kisah Rasul-rasul 16:34

A séra zua ipahwalinama witi waléna a mimekla ung kanen néra. Ni sia én totoz mahpaa-paaz pahpaan ni sia wo péléng sé mahento' witu um waléna é nima'éman wia si Opo Empung.

Kisah Rasul-rasul 16:40

Ni séra zua mondola im witi bui itii, a mangé witi walé ni Lidia. Im witu ni séra zua é nimahilekan karia né tou esa pa'émanen wo nimenté' un até néra. Tumondong niitu, a sé zua aatu itii mangé.

Galatia 6:6

Si tou si nimakailek an tutuzu' tumoro u Nuwu' ni Opo Empung, péléng am wangun ang kinailekannamé é léwo'zéi' im pahwéténgla wia si niméhémé an tutuzu' tumoro u Nuwu' ni Opo Empung itii.

1 Timutius 5:13

Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

2 Timutius 2:6

Si mememendu si nima'ulitola nimaayang, ni sia si kataré mé'an am wua'na am pinaayangnamé.