Lukas 10:42 - Taaz Weru Witu u Nunuwu'en Tombulu

⁴² taan un ipahpuu-puuna én esa uman. Si Maria é niméléngola un totoz wangun, un zéi'kan éndon im wia ni sia.”

Lukas 10:42 Iomraidhean Croise

Markus 8:36

Apa un torona si tou nimakailek péléng am wia ung kaayahan, taan ni sia éng kinaliongan ung katou-touanna?

Lukas 10:39

Si Marta ém wéwéhan si totoz katuarina makangaran Maria. Im witu um walé itii si Maria rimumez witu rété un a'é ni Yesus i mahtalinga an ipahkua ni Yesus.

Lukas 11:1

I sana endo, si Yesus mengaléi. Kumawusa ni Sia i mengaléi, a méyé si esaané wia sé pahtuzu'en-Na, ang kumuala, “Tuang, tuzu'ené kai kura i mengaléi, tanu a méipahtuzu' ni Yohanes wia sé pahtuzu'enna.”

Lukas 12:20

Taan kuan ni Opo Empung wia ni sia, ‘É ko in tou lemou! Im wengi kenukan, ung katou-touannu én éndon im wia ni ko. Séi si wéhannu péléng a rinéwokmu itii?

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 16:2

Niitumo tawahennamé si melélé'os an zoitna itii, ang kuana, ‘Apa itu ulit ung kinatalingaangkula tumoro ni ko? In tarékan ipakakuamumé wia ni aku am pinaayangmu, pahpaan ni ko én zéi'mo toro maéndo melélé'os an zoitku.’

Lukas 16:25

Taan si Abraham é nimingkot umané in téntii, ‘É oki'ku, amoké genangenula! Im puuna i ni ko menou-noupé', ni ko é nimakailekomé péléng am wangun. Taan si Lazarus ndootuu i menou-noupé', ang kinailekanamé ém péléng an zéi'kan wangun. Taan in tarékan ni sia é sénango im wia'i wo ni ko kahuman én zézéha im wana.

Lukas 18:22

Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 8:18

Niitumo, totoz pahwéhanla genang an tinalinga niouo. Pahpaan séi si mahtata'u u Nuwu' ni Opo Empung, ni sia é mawangunen ni Opo Empung makatulap niitu. Taan séi si soo mahtata'u u Nuwu' ni Opo Empung, makaz am pahgenangennala ing kata'uannamo ém pakaéndon.”

Yohanes 11:1

Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina.

Yohanes 11:19

Im witu é lakezo sé tou Yahudi niméyé wia si Marta wo Maria i menté' un até néra pahpaan si totoz katuari néra én taré matéma.

Yohanes 12:3

A si Maria méndomé u sana pahzuana liter lana mahwou tariis, ngaran u lana itii é narwastu, un zéi'kampé' sinembor wo totoz mahal an iwuwu'nala u lana itii witu un a'é ni Yesus am pahisu'ennama un a'é ni Yesus karia um wuukna. Péléng um witu un untep um walé itii é mahwoukané tariis pahpaan u lana itii.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

1 Korintus 13:3

Zozo' péléng an anuku ipeméténgkula wia sé tou zéi'kan siapa apa, wo zozo' un awakku iwéhéla i la'ungen, taan sa ni aku zéi'kan rumaraaté sé tou walina, péléng niana én zéi'kan siapa torona.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.