Lukas 10:40 - Taaz Weru Witu u Nunuwu'en Tombulu

⁴⁰ Taan si Marta é mahkara-kara' i mahimek ung kanen néra, a sia rumétéla si Yesus, ang kuana, “Tuang, zéi'kan ndootuu pandungen-Nu aku? Ni aku uman si mahpaayang wo si Maria én zéi'kan pekisawang-Mu. Iatupé'mé sia i sumawang ni aku!”

Lukas 10:40 Iomraidhean Croise

Matius 14:15

Im wengindomo, a méyé sé pahtuzu'en ni Yesus wia ni Sia ang kumua, “Un tampa kenu én zou'mé im wana am wanua wo mawengimo. Iatumoma sé tou kenu i mangé wana am wanua rété wia'i wo séra toro matumelesé ung kanen néra.”

Matius 16:22

Taan si Yesus éng kinéhonga ni Petrus rimuruhla a Sia totoz i séro'ennala, kuana, “Tuang, mengalé-ngaléi uman un téntu én izou'ma ni Opo Empung! Un téntu én zéi'kan mahmua-mualila wia ni Ko.”

Markus 3:21

Ing kinatalingaana né katuari-Na i ni Sia ém witu, ni séra méyé i mahééyéma ni Sia, pahpaan pahkuan néra i ni Sia ém walinamo.

Lukas 10:38

I si Yesus wo sé pahtuzu'en-Na mahlampang, a séra ikaayola witu um wanua. Im witi wanua itii ém wéwéhan si wéwéné makangaran Marta, a séra sungkulena ni wéwéné itii witi waléna.

Lukas 10:41

Taan ni sia ém winingkot umanla ni Yesus, “Marta, Marta, ni ko én tahlous maarét wo tahlous mahsususa un toumu in esa wana péléng am péléng,

Lukas 12:29

Niitumo, tia'mo kamu megena-genang ang kanen wo an elepen niou wo tia'mo paharétan un até niou.

Lukas 9:55

Taan si Yesus merena wia ni séra, a séra séro'en-Nala.

Yohanes 11:1

Wéwéhan si saki makangaran Lazarus mahento' witi Betania karia ni Maria wo ni Marta sé totoz katuarina.

Yohanes 11:5

Si Yesus é rumaraaté si Marta, si Maria wo si Lazarus.

Yohanes 12:2

Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus.

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”