Lukas 10:3 - Taaz Weru Witu u Nunuwu'en Tombulu

³ In tarékan, mangémo wo mile-ilek, pahpaan ni kamu i méiatu-Ku én tanu si domba witu un unez né serigala.

Lukas 10:3 Iomraidhean Croise

Matius 10:16

“Gena-genangen! Ni kamu é méiatu-Ku tanu si domba witu un unez né serigala. Niitumo, ni kamu é léwo'zéi' i siga' tanu si ulé' wo lé'os tanu si bombo.

Matius 10:22

Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Lukas 10:4

Ni kamu i mangé én tia'mo mahali u sompoi kaapa tatahu'an am walun, kaapa selop wo tia'mo kamu mento' i sumigi' sé tou ipahpasungkul niou witi lalan.

Yohanes 10:12

Taan si pemamaéran uman ni makaanu sé domba wo zéi'kan makaanu sé domba itii én tumingkas tumula'u sé domba itii i mileka si serigala mahéyé. Niitumo sé domba itii é sineza' wo siniru ni serigala.

Yohanes 15:20

Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Yohanes 16:2

Ni kamu én iwoho né tonaas né tou Yahudi im wana am walé peraragésan néra. Wo un orasna é méyé i si tou mahwuwunu' ni kamu é mahgenangla ni sia é mahpaayang wia si Opo Empung.

Kisah Rasul-rasul 20:29

Totoz ing kata'uangku sa kamu itula'ukumoma, sé tou léwo' sé tanumokan sé serigala totoz léwo' é méyé witu un unez niou. Wo ni séra é mahtututu' i mékumayo' sé jamaat sé pahtéizan niou itii.

Kisah Rasul-rasul 9:16

Ni Aku in esa si mapata'u wia ni sia, an zézéha totoz lakez a léwo'zéi' im pendanenna pahpaan u ngaran-Ku.”

Kisah Rasul-rasul 9:2

i mahaléi um pinantik u méhémé kawasa wia ni sia im pahalin wia sé tonaas am walé peraragésan né tou Yahudi witi Damsyik. Wo sa sia ikailekla sé tuama kaapa wéwéné sé mahkiit an tutuzu' ni Mahpiara, ni séra én toro tionanna wo ipahwali witi Yerusalem.