Lukas 10:29 - Taaz Weru Witu u Nunuwu'en Tombulu

²⁹ Taan si tou itii i mapailek ni sia én ulit, ni sia meligau kasii, “Séi si kasuatku tou?”

Lukas 10:29 Iomraidhean Croise

Markus 8:34

A si Yesus tumawahmé sé tou lakez wo sé pahtuzu'en-Na, ang kumua wia ni séra, “Séi si paaz kumiit ni Aku, ni sia én zéi'mo mahgenang ung katou-touanna in esa, masaan u salipna wo kumiit ni Aku.

Lukas 10:36

A si Yesus meligau, “Sa ikiit ni ko, im wia sé tou telu itii é séi si pahkuan ing kasuat tou ni tou winélwélé né tou léwo' itii?”

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Roma 10:3

Ni séra én zéi'kan makatulap kura si Opo Empung i méndo ulit sé tou. Wo ni séra é mahtututu' menéro u lalan néra in esa i maéndo ulit witu u sinaru-Na. Niitumo ni séra é soo ing kumiit u lalan kura si Opo Empung i méndo ulit sé tou.

Roma 4:2

Pahpaan sa si Abraham é niéndo ulit pahpaan am pahwangunenna, ni sia ém wéwéhan un toro ipahloo-loozna taan zéi'kan mahloo-looz witu u sinaru ni Opo Empung.

Galatia 3:11

Niitumo, méikatuzu'momé in zéi'kan siapa tou niéndo ulit ni Opo Empung pahpaan i mahkiit un ukum Torat. Pahpaan witu um Pinantik Lenas é méipantik téntii, “Si tou niéndo ulit ni Opo Empung, ni sia é menou-nou pahpaan um pa'émanenna.”

Yakobus 2:24

In tarékan é niilek niouo, i si tou é niéndo ulit pahpaan am pahlé'osenna, zéi'kan uman pahpaan um pa'émanen.