Lukas 10:28 - Taaz Weru Witu u Nunuwu'en Tombulu

²⁸ Ang kuan ni Yesus wia si tou itii, “U méiwingkotmumé itii én ulit! Pahwangunennula niitu péléng wo ni ko makailek ung katou-touan makaz ing kauré-uré.”

Lukas 10:28 Iomraidhean Croise

Matius 19:17

A si Yesus mingkotla, “Kaa ko meligau tumoro u lé'os wia ni Aku? Akaz uman si Esa si lé'os. Taan sa ko paaz makailek ung katou-touan makaz ing kauré-uré, pahkiitela péléng am perénta ni Opo Empung.”

Markus 12:34

Si Yesus i nimilekla si tou itii nimingkoté én totoz timoro, ang kuan-Na, “Zéi'mo uré ni ko é maéndomo tou witi Kakolanoan ni Opo Empung.” Tumondong niitu, zéi'mo siapa zozo' in esa si wuaya i lumigau wia si Yesus.

Lukas 7:43

A mingkotla si Simon, “Sa kiit ni aku é si tou niminjang an zoit lakez an zéi'ela ni makazoit am pininjangna.” Kuan ni Yesus, “Ulit ung ginenangmu itii.”

Roma 10:4

Si Kristus limekepo péléng am witu un ukum Torat wia ni kita. Niitumo, péléng sé tou ma'éman wia ni Sia é niéndo ulit ni Opo Empung.

Roma 3:19

Kata'uanta péléng a méipantik witu un ukum Torat é méiwéhé wia sé tou sé mahkiit un ukum Torat. Karia in téntu péléng a sumah é mapenes wo péléng sé wia ang kaayahan é maukumen ni Opo Empung.

Roma 7:10

wo ni aku é nimatémo. Pahpaan un ukum Torat u léwo'zéi' mangun ni aku menou-nou makaz ing kauré-uré é nimahwali uman taréma ni aku witu um patéan.

Galatia 3:12

U nimaéndo to'tolan wana an ukum Torat én zéi'kan um pa'émanen, taan séi uman si mahwangun un ukum Torat é mamenou-nou pahpaan mahkiit niitu.