Lukas 10:11 - Taaz Weru Witu u Nunuwu'en Tombulu

¹¹ ‘An awu wia um wanua tua'na kenu a méikalaput wana an a'é nai én itangkar naima, i mapagenanga sa ni kamu é soo tumalinga si Opo Empung.’ Gena-genangen ung kenu, ‘Ung Kakolanoan ni Opo Empung é lelezokan.’

Lukas 10:11 Iomraidhean Croise

Matius 10:14

Sa wéwéhan tou soo sumungkul ni kamu kaapa soo tumalinga an ipahtuzu' niou, mondolomé wo itula'umomé um walé kaapa um wanua tua'na itii, wo itangkaré an awu wana an a'é niou.

Matius 10:7

Mangémo wo maiwoka'la: Ung Kakolanoan ni Opo Empung é lelezokan.

Matius 3:2

“Itula'umola a singkéla' niou, pahpaan ung Kakolanoan ni Opo Empung é lelezokan!”

Markus 6:11

Taan sa wéwéhan sé soo sumungkul ni kamu wo soo tumalinga ni kamu, mondolé im witi tampa néra, itangkaré an awu witu un a'é niou, i mapagenang wia ni séra i si Opo Empung é mukum ni séra.”

Lukas 10:10

Taan sa kamu muntepa witu um wanua tua'na wo zéi'kan siapa si simungkul ni kamu, mangémo wana a lalan tua'na witu um wanua tua'na itii wo mahkéréta in téntii,

Lukas 10:9

Lé'osela sé tou saki sé witu um wanua tua'na itii, wo ikuala wia sé tou witu, ‘Ung Kakolanoan ni Opo Empung é lelezokan im wia ni kamu.’

Lukas 9:5

Taan sa wéwéhan sé soo sumungkul ni kamu, mondolé im witu um wanua tua'na néra, itangkaré an awu wana an a'é niou i mapagenang wia ni séra i si Opo Empung é mukum ni séra.”

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

Kisah Rasul-rasul 13:40

Pahpaano niitu, ni kamu é léwo'zéi' in tuméga-tégam, wo zéi'kan mamuali wia ni kamu apa a mémoikua né nabi wana am pinantik néra in téntii,

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Kisah Rasul-rasul 13:51

A si Paulus wo si Barnabas tumangkarla an awu witu un a'é néra i mapagenang wia sé tou itii i si Opo Empung é mukum ni séra. Kumawusa niitu ni séra zua nimangé witi Ikonium.

Roma 10:21

Taan tumoro sé tou Israel si nabi Yesaya éng kimua, “Sana endo ni Aku nimayo u lengen-Ku wia sé tahsasana wanua sé zéi'kan mahtali-talinga wo kimawal.”

Roma 10:8

Taan ung kalakoana tanu u méipantik witu um Pinantik Lenas in téntii: “U Nuwu' ni Opo Empung itii én zéi'kan zou'ma im wia ni kamu, witu u sumahmu wo witu un atému.” Niitu u Nuwu' ni Opo Empung um pahwoka' nai; um pa'émanen né tou.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.