Lukas 1:80 - Taaz Weru Witu u Nunuwu'en Tombulu

⁸⁰ Si Yohanes é makatarétumoumomé wo um pa'émanenna wia si Opo Empung éng kaenté'namo. Ni sia é mahento' witi kapelasan makaz witu un endo i ni sia mapailek un touna wia sé tou Israel i maayang am papaayangenna.

Lukas 1:80 Iomraidhean Croise

Matius 11:7

Kaiwurima né pahtuzu'en ni Yohanes, a si Yesus rengan mahnuwu' wia sé tou lakez witu tumoro si Yohanes. Kuan-Na, “Apa u maileken niou im witi kapelasan? Apa kamu mangé wana i mamilek si tou mahzua-zua genang, tanumokan ang kuhun mengogé-ngogé mahkii-kiit uman u reges?

Matius 3:1

In toro niitu, wéwéhan si tou makangaran Yohanes Menanarani. Ni sia nimangé witi kapelasan witi Yudea a mahwoka' wia sé tou,

Lukas 1:15

Pahpaan ni sia ém wangunen ni Opo Empung maéndo tou wangko'. Ni sia én zéi'kan mahelep anggor kaapa an eelepen walina a menewelen. Wo kasii ni sia im pahawa-awakempé', si Roh Lenas éng kimawasamo wia ni sia,

Lukas 2:40

Si Koki' itii é makatua'namomé wo kaenté'namo. Ni Sia kasii én totoz tulap wo si Opo Empung én totoz rumaraaté ni Sia.

Lukas 2:52

Si Yesus é makatarétumoumomé wo katulapnamo, wo kalousna u raraatéan ni Opo Empung wo né tou.

Yohanes 1:31

Im puuna, ni aku in esa én zéi'kan mata'u ni Sia, taan ni aku niméyé i mahsarani karia un zano, wo sé tou Israel mata'u séi Sia.”

Kisah Rasul-rasul 18:28

Pahpaan ni sia én totoz wuaya i mahzéi-zéi'an karia né tou Yahudi witu u sinaru né tou lakez. Méipapailekna am pinantik witu um Pinantik Lenas an tumuzu'mé i si Yesus é si Mesias.