Lukas 1:78 - Taaz Weru Witu u Nunuwu'en Tombulu

⁷⁸ pahpaan u raraatéan wo u lé'os ni Opo Empungta. Niitumo, ni Sia é niméyé i milot ni kita im witu un ukuman wana a singkéla'ta masuat wo si endo i mondolé im woondo,

Lukas 1:78 Iomraidhean Croise

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Efesus 5:14

Niitumo wéwéhan u méikua, “Tumoozomé, é ni ko si timekel, mawongkémomé im wia sé nimaté wo si Kristus maéndo sena' witu ung katou-touannu.”

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Filipi 2:1

Katuari-katuari, pahpaan im wia ni kamu sé nimaesamo karia ni Kristus ém wéwéhano ang kaenté'an, u maheenté'an un até pahpaan u raraatéan ni Kristus, kinawasamo ni Roh Lenas wo ni Sia mahahkit ni kamu taka-takazan ni kamu én esa genang si esa wo si esa wo mahraa-raatéan,

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

2 Petrus 1:19

Niitumo u nimangun ni kai totoz enté' i ma'éman witu u nuwu' méipahwoka'ma né nabi im puuna. A méipahtuzu'ma né nabi itii é léwo'zéi' im pahwéhan nioula genang tanu ni kamu i mahilek u solo mahsena' witu u rimbengbeng makaz si endo i sumerité wo si kaendoan i sumena' witu un até niou.

1 Yohanes 3:17

Sa wéwéhan si tou wa'ilan wo milekla sé katuarina esa pa'émanen zéi'kan siapa apa taan ni sia é soo sumawang sé katuarina itii, kura kahuman ni sia mahkua i rumaraaté si Opo Empung?

Wahyu 22:16

Kuan ni Yesus, “Ni Aku, Yesus, nimatumoma si malaekat-Ku i makumua a niilek wo tinalingana tumoro niia péléng wia ni kamu, wo ikua nioula wia sé jamaat. Ni Akumo u suzu, si suzu ni Daud, tototi'en kaendoan, si mahserité totoz sena'.”