Lukas 1:75 - Taaz Weru Witu u Nunuwu'en Tombulu

⁷⁵ witu ung kalenasan wo ung kaulitan witu u sinaru-Na kauré ni kita i menou-nou.

Lukas 1:75 Iomraidhean Croise

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Lukas 1:74

wo ni kita ikapiloté im wia sé kakoro'ta. Karia in téntu, ni kita én zéi'kan maindé' i mahragés wia ni Sia,

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

Efesus 4:24

Menou-noula karia ung katou-touan weru u méikiit um paaz ni Opo Empung, ung katou-touan ulit wo linenas ni Opo Empung.

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.