Lukas 1:68 - Taaz Weru Witu u Nunuwu'en Tombulu

⁶⁸ “Loozenola si Mahpiara, si Opo Empung né tou Israel! Pahpaan ni Sia niméyémo i métumulung sé tou-Na wo milot ni séra.

Lukas 1:68 Iomraidhean Croise

Lukas 1:71

i mahpipilot ni kita im wia sé kakoro'ta, wo im witu ung kawasa péléng né tou mazi'zis ni kita,

Lukas 19:44

Ni séra éng kumemu ni ko karia péléng sé toumu. Zéi'kan iwaya néra im wéwéhampé' am watu nimauusunan pahpaan zéi'mo kata'uannu un orasna si Opo Empung i mémilot ni ko.”

Lukas 2:38

Makanuwu'la si Simeon wia si Yusuf wo si Maria, a méyé witu si Hana. A sia mahkua u makasé wia si Opo Empung wo mahkua un tumoro si Koki' itii wia péléng sé tou sé mengento-ngento' si Opo Empung i milot sé tou Israel.

Lukas 24:21

Taan im puuna ni kai é mahéré'la i ni Siamo si mamilot sé tou Israel. In tarékan teluna endomo rengan niitu i nimamualima.

Lukas 7:16

Péléng sé tou witu é maindé' a mahsigi' wo mahlooz si Opo Empung. Ni séra é mahkua, “Si Opo Empung é nimatumomé si nabi wangko' i mémahwali-wali kariata! Si Opo Empung é niméyémo i mésumawang sé tou-Na!”

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Ibrani 9:12

Ni Sia é nimuntepo witi Tampa Totoz Lenas, makasa uman makaz ing kauré-uré. Ni Sia i nimuntep witu én zéi'kan nimahalima un zaha' ni kambing tuama wo un zaha' ni sapi oki', taan ni Sia nimuntep witu nimahalima un zaha'-Na in esa. Karia in téntu, méipilot-Na kita im witu un ukuman wana a singkéla'ta makaz ing kauré-uré.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.