Lukas 1:58 - Taaz Weru Witu u Nunuwu'en Tombulu

⁵⁸ Ing kinatalingaala né karété wo né katuarina i si Opo Empung nimapailek u raraatéan-Na um wangko' wia si Elisabet akaz in toro nimakaoki'mé, a séra mahpaa-paaz kariana.

Lukas 1:58 Iomraidhean Croise

Lukas 1:14

Ni ko é mahpaa-paaz, wo lakez kasii sé tou totoz mahpaa-paaz pahpaan ni sia i nimatou.

Lukas 1:25

Ang kuana, “Ung kenu un tumuzu'mé i si Opo Empung é lé'os wia ni aku. Wo pahpaano u lé'os-Na kenu, sé tou walina én zéi'mo mahséro' wia ni aku.”

Lukas 1:57

I méikaayomola un oras ni Elisabet i makailek si koki', a matoumé si lowai.

Lukas 14:12

Kumawusa niitu, si Yesus numuwu'ma wia si makawalé si kimua ni Sia, “Sa ko mangun pésta ang kumua sé tou i mékuman mahwali-wali, endo kaapa wengi, tia' ko mahkukua sé kalomu kaapa sé sana awumu kaapa sé katuarimu kaapa sé karétému sé wa'ilan. Pahpaan ni séra kasii éng kumua ni ko i mékuman mahwali-wali karia néra. Kuramo ko ing kimuamé ni séra, téntu kangkasii ni séra ing kumua ni ko.

Roma 12:15

Mahpaa-paazola karia né tou mahpaa-paaz wo mamé'mola karia né tou mahamé'.

1 Korintus 12:26

Niitumo, sa un esa witu un awakta é mahpendan zéha, péléng am witu un awakta én zézéha. Sa un esa witu un awakta pahloozen, péléng am witu un awakta é mahpaa-paaz.