Lukas 1:53 - Taaz Weru Witu u Nunuwu'en Tombulu

⁵³ Winéhan-Namé péléng am wangun wia sé tou maharem makaz ni séra nimawesuh, wo sé tou wa'ilan é méipapawuri-Na zéi'kan siapa pinahalima.

Lukas 1:53 Iomraidhean Croise

Matius 5:6

Mahpaa-paazola sé maharem wo maré'o i mangun ang kapaaz ni Opo Empung, pahpaan ni séra ém pakawutulen ni Opo Empung.

Lukas 1:54

Pahpaan u raraatéan-Na a Sia sumawangé sé tou Israel sé ata-Na.

Lukas 6:21

Mahpaa-paazola, é ni kamu sé in tarékan maharem, pahpaan ni kamu ém pakawesun. Mahpaa-paazola, é ni kamu sé in tarékan mahamé', pahpaan ni kamu éng kumé'ké'.

Lukas 6:24

Taan ikaléwo'la ni kamu sé in tarékan tou wa'ilan, pahpaan ni kamu é nimahpaa-paazola witu ung kawa'ilanan niou.

Yohanes 6:35

Kuan ni Yesus wia ni séra, “Ni Aku kenumo u roti mahwéhé ung katou-touan. Séi uman si méyé wia ni Aku én zéi'mo mahpenda-pendanla u maharem. Wo séi uman si ma'éman ni Aku én zéi'mo mahpenda-pendanla u maré'o.

1 Korintus 1:26

Katuari-katuari! Amoké genangen nioula, kura ung katou-touan niou in tinawah ni Opo Empung a maéndo tou-Na. In toro niitu, mengiit um pahgenangen né tou: sé tou tulap, sé mahkawasa wo sé tou ipahkua-kua é mena'sapé' sé wia ni kamu.

1 Korintus 4:8

Ni kamu mahgenangla péléng am pemandungen niou ém wutulo, ni kamu mahgenangla ém wa'ilano, ni kamu mahgenangla éng kolanomo. Mengalé-ngaléi, sa kamu uli-ulit nimaéndomo kolano, maan ni kai é maéndo kolano karia niou.