Lukas 1:33 - Taaz Weru Witu u Nunuwu'en Tombulu

³³ Ni Sia é maéndo Kolano né tou Israel, suzu ni Yakub. Ung Kakolanoan-Na é memia-mia makaz ing kauré-uré.”

Lukas 1:33 Iomraidhean Croise

Matius 1:1

Ung kenumo um pinantikan a ngaran né nimaopo ni Yesus Kristus, si suzu ni Daud wo ni Abraham.

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Lukas 1:34

Ang kuan ni Maria wia si malaekat itii, “Kura niitu toro mamuali? Ni aku én zéi'kampé' siapa mahayo.”

Roma 9:6

Zozo' sé tou Israel é soo ma'éman si Yesus, ni aku én zéi'kan mahkukuama a méitaaz ni Opo Empung wia sé nimaopo néra én zéi'mo pahpakén; taan zéi'kan péléng sé suzu né tou Israel én tou pinéléng ni Opo Empung.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Ibrani 1:8

Taan tumoro si Oki'-Na, si Opo Empung éng kimua, “U rurumezan-Nu ing Kolano, o Opo Empung, makaz ing kauré-uré. Ni Ko i mahperénta é mahperénta karia ung kaulitan.

Wahyu 11:15

A si malaekat kapitu sumengoma um pontuangna, an talingangkumé a nuwu' totoz rimez witi kasendukan a mahkuamé, “Ung kawasa i mahperénta wia ung kaayahan én anu uman ni Opo Empungta wo ni Kristus si méitaaz-Na, wo ni Sia éng kumawasa ing Kolano makaz ing kauré-uré.”