Lukas 1:22 - Taaz Weru Witu u Nunuwu'en Tombulu

²² Kaiondolnamé, ni sia én zéi'mo mata'u numuwu' wia ni séra. Taan ni sia é mahaya-ayat uman u lengenna im wéwéhan un ipahkukuana wia ni séra pahpaan si wowo'mo. Karia in téntu, kinata'uan nérala im wéwéhan u méipapaileké ni Opo Empung wia ni sia im witi Walé ni Opo Empung.

Lukas 1:22 Iomraidhean Croise

Lukas 1:21

Karegas niitu sé tou lakez witi lésaz é ma'ento' si Zakharia i mondolé. Ni séra é mengusi-ngusingsing pahpaan si Zakharia én totoz uré im witi untep um Walé ni Opo Empung.

Lukas 1:23

I simampetomé un orasna nimaayangé witi Walé ni Opo Empung, a sia mawurima witi waléna.

Lukas 1:62

A séra mayata u lengen wia si ama'na i lumigau un ingaran wia si oki'na.

Yohanes 13:24

Wia si pahtuzu'en itii si Simon Petrus éng kimapéia wo kimua, “Ligauenna séi si paza'i-Na!”

Kisah Rasul-rasul 12:17

Taan si Petrus é nimayatla u lengenna wo séra menesla. An isiritanala wia ni séra kura si Mahpiara i simawangé ni sia nimondolé witi bui. Ang kuan kasii ni Petrus wia ni séra, “Ipapata'ula a nimamuali kenu wia si Yakobus wo wia sé katuarita esa pa'émanen.” Makakuala niitu, a sia mondolé im witu a mangé witi tampa walina.

Kisah Rasul-rasul 19:33

A si tou makangaran Aleksander itondoma né tou Yahudi nimangé witi puuna, pahpaan pahgenangen nérala i ni sia si nimangun ni séra nimarikoka'. A sia rengan nimayata u lengenna i mahnunuwu' ing kumelung un touna witu u sinaru né tou lakez itii.

Kisah Rasul-rasul 21:40

I ni sia niénéanola i numuwu', a sia rumendaila witu un ahzan a mayata u lengenna wia sé tou lakez itii. I sé tou lakez nimapenesoma, a sia rengan i mahnuwu' wia ni séra karia u nunuwu'en Ibrani, kuana,