Kolose 4:6 - Taaz Weru Witu u Nunuwu'en Tombulu

⁶ I mahnuwu' wia sé tou, pahwangunela um pakahnuwu' niou i makapaazen wo tariis im pahtalingan, wo kata'uan nioula kura i mahwiwingkot wia si séi uman si meligau.

Kolose 4:6 Iomraidhean Croise

Matius 5:13

Kuan ni Yesus kasii, “Ni kamu én tanu un asin im wia ung kaayahan. Sa un asin itii tewango, apapé' u mangun un asin itii maasin sumaup? Un asin itii én zéi'mo siapa torona, niitu én itia'mokan wo ipeléé-léék né tou.

Markus 9:50

Un asin ém wangun, taan sa un asin én tewango, karia un apa ni kamu mangun niitu maasin sumaup? Niitumo ni kamu é léwo'zéi' maéndo tou lé'os tanu un asin wo menou-noula karia i mahlé'o-lé'osan wo sé tou walina.”

Lukas 4:22

Péléng sé tou é mahkua am wangun tumoro ni Sia wo mengusi-ngusingsing i mahtalinga ni Sia pahpaan um pahnuwu'en-Na ém wangun, a sé tou mahligau, “Zéi'kankuaa ni Sia si oki' ni Yusuf?”

Efesus 4:29

Tia'mo a nunuwu'en saparuni mahondolé im witu u sumahmu. Taan mahnuwu' umané am wangun i sumawang sé tou walina i ni séra memandung a sasawang, wo sé tou timalingama u méipahnuwu'muma é makailek ung kamang.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',