Kolose 4:3 - Taaz Weru Witu u Nunuwu'en Tombulu

³ Ipahpengaléipé' kasiimé kai, wo si Opo Empung mukamé lalan wia ni kai i mangé mahwoka', wo kai toro makumua u méikawunipé' tumoro si Kristus. Pahpaano i mahwoka' niitu, ni aku in tarékan ém wiapé' um bui.

Kolose 4:3 Iomraidhean Croise

Matius 13:11

A si Yesus mingkotla, “Im wia ni kamu én tinambéran ung kamang in toro makatulap u méikawunipé' tumoro ung Kakolanoan ni Opo Empung, taan im wia ni séra én zéi'kan.

Kisah Rasul-rasul 14:27

I méikaayola witi Antiokhia, tawahen néramé sé jamaat i maréwoké. An isirita nérala péléng am pinaayang ni Opo Empung mengiité ni séra. Ni séra kasii simiritala i si Opo Empung é nimukamoma u lalan wia sé tou zéi'kan Yahudi i ma'éman wia si Yesus.

Roma 16:25

U sigi' wo looz wia si Opo Empung! Ni Sia ém wéwéhan kawasa i menté' um pa'émanen niou mengiit u Nuwu' Lé'os tumoro si Yesus Kristus u méipahwoka'ku mengiit u méipapailek ni Opo Empung, u rengan ing kataré-taré méikawuni im wia sé tou.

1 Korintus 16:9

Pahpaan lakez un oras ni aku i maayang am papaayangen totoz ipahpuu-puuna, zozo' lakez sé soo ni aku.

1 Korintus 4:1

Kapaazku ni kamu mahgenangla i ni kai én ata ni Kristus, sé winéhan um paayangen i mahtuzu' ang ginenang ni Opo Empung an zéi'kampé' kata'uan né tou wia ung kaayahan.

2 Korintus 2:12

Ikaayola ni aku witi Troas i mahwoka' u Nuwu' Lé'os tumoro si Kristus, ni aku ém winukaané ni Opo Empung lalan i maayang wana.

Efesus 3:1

Pahpaano niitu, ni aku Paulus ém binui pahpaan mahwoka' u Nuwu' Lé'os tumoro si Kristus Yesus wo ung kawangunan niou in tou zéi'kan Yahudi.

Efesus 3:3

Si Opo Empung é nimapata'umo wia ni aku ang ginenang-Na a méikawunipé', tanu a méipantikumo witu um pinantikku potot kenu.

Efesus 3:4

Um pinantik kenu im baca nioua én toro kata'uan niou ung kinatulapangkumola u méikawunipé' tumoro si Kristus,

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Filipi 1:19

Totoz ing kata'uangku, ing kamurian ni aku én iondol im wia um bui pahpaan am pengaléien niou wo karia un tutulung ni Roh ni Yesus Kristus.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Kolose 1:26

Niitumo u méiwunipé' ni Opo Empung wia sé tou pinaatusan ta'uno wo pinahpuyunano, taan in tarékan é mémoipapata'u wia sé tou sé linenas-Na.

Kolose 4:18

Ni aku Paulus kasii é mapaayoma u sigi wia ni kamu. U sigi' kenu ém pinantikku in esa. Gena-genangen, ni aku é rinantépé' im wia um bui! Mengalé-ngaléi uman ung kamang tatambér ni Opo Empung menaté-natér ni kamu.

1 Tesalonika 5:25

Katuari-katuari, ipengaléipé'mé kai.

2 Timutius 1:16

Mengalé-ngaléi uman si Mahpiara mapaileké u raraatéan-Na wia sé sana awu ni Onesiforus, pahpaan ni séra é makalakezo nimenté' un atéku. Ni sia kasii én zéi'kan maizang i mahileké ni aku im witi bui.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

2 Timutius 4:2

Ipahwoka'la u Nuwu' ni Opo Empung, zozo' in endo wangun kaapa endo léwo', ni ko é mimekla i mangé mahwoka' u Nuwu' ni Opo Empung. Ipapata'ula ang kasumalaan, pahséro'ela wo pahsésaala sé tou karia péléng ung kaezenan wo an tutuzu' ulit.

Filemon 1:22

Karegas niitu, pahaléiengku, imekempé' ndootuula un tekelangku witi walému, pahpaan ni aku mahéré'la ing kiitané ni Opo Empung am pengaléien niou wo ni aku toro mawurima sumaup wia ni kamu.