Kolose 4:2 - Taaz Weru Witu u Nunuwu'en Tombulu

² Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.

Kolose 4:2 Iomraidhean Croise

Matius 26:41

Tuméga-tégam wo mengaléila wo kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”

Markus 13:33

Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Kisah Rasul-rasul 1:14

Ni séra péléng é nimaréwok karia un esa genang i mahmengaléi. Ni séra i mengaléi éng karia né woopira wéwéné, karia ni Maria ina' ni Yesus wo sé katuari ni Yesus.

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Kolose 3:15

Wangunela ung kaluasan witu un até u méiwéhémé ni Kristus mahkawasa wia ni kamu, pahpaan ni kamu én tinawahmo ni Opo Empung i maéndo esa awak. Wo ni kamu é léwo'zéi' i mahkuala u makasé wia ni Sia.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.