Kolose 4:18 - Taaz Weru Witu u Nunuwu'en Tombulu

¹⁸ Ni aku Paulus kasii é mapaayoma u sigi wia ni kamu. U sigi' kenu ém pinantikku in esa. Gena-genangen, ni aku é rinantépé' im wia um bui! Mengalé-ngaléi uman ung kamang tatambér ni Opo Empung menaté-natér ni kamu.

Kolose 4:18 Iomraidhean Croise

Roma 16:20

Si Opo Empung si mahwéhémé ung kaluasan witu un até é rengan ing kumemuma si tonaas né sétang wo mangun ni sia ing kawasaan niou. Mengalé-ngaléi uman, ung kamang tatambér ni Yesus, si Mahpiarata é menaté-natér ni kamu!

Roma 16:22

Ni aku Tertius, si nimantik péléng a méikuamé ni Paulus, méhéma u sigi' witu u ngaran ni Mahpiara, wia ni kamu.

Roma 16:23

Si Gayus, si niméhé um waléna in ento'angku wo pahréwo-réwokan péléng né jamaat é mapaayoma u sigi' wia ni kamu. Téntu kangkasii si Erastus, si melélé'os an zoit pajak wia um wanua tua'na kenu wo si Kwartus, si katuari esa pa'émanen é mapaayoma u sigi'na wia ni kamu. [

1 Korintus 16:21

Pinantikku ang kenu karia u lengenku: u sigi'ku wia ni kamu, Paulus.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Kolose 4:3

Ipahpengaléipé' kasiimé kai, wo si Opo Empung mukamé lalan wia ni kai i mangé mahwoka', wo kai toro makumua u méikawunipé' tumoro si Kristus. Pahpaano i mahwoka' niitu, ni aku in tarékan ém wiapé' um bui.

2 Tesalonika 3:17

U sigi'ku, Paulus. Ni aku in esa si nimantik ang kenu. Im wana péléng am pinantikku, ung kenumo un tumuzu'mé i niia ém pinantik karia u lengenku in esa.

1 Timutius 6:21

pahpaan wéwéhan sé woopira tou sé mahkua i ni séra ém wéwéhan ang kata'uan. Ni séra ém wa'kato im witu um pa'émanen wia si Yesus. Mengalé-ngaléi uman ung kamang tatambér wo ung kaluasan un até é menaté-natér ni kamu.

2 Timutius 1:8

Niitumo, tia'mo maizang i mahkua an tinalinga wo niilekmu tumoro si Mahpiarata. Téntu kangkasii, tia'mo maizang tumoro ni aku im binui pahpaan ni Sia. Taantaré, karia ung ketez méiwéhémé ni Opo Empung, ni ko kangkasii é mazézéhala pahpaan mahkua u Nuwu' Lé'os tumoro ni Sia.

2 Timutius 4:22

Si Yesus Mahpiara é menaté-natér ni ko. Mengalé-ngaléi uman ung kamang tatambér-Na é menaté-natér ni kamu!

Titus 3:15

Péléng sé tou memali-mali kariaku im wia'i é mapaayoma u sigi' néra wia ni ko. Wo ipapaayopé' kasiila u sigi'ku wia sé tou rumaraaté ni kai witu um pa'émanen wia si Yesus. Mengalé-ngaléi uman ung kamang tatambér ni Opo Empung é menaté-natér ni kamu péléng.

Ibrani 13:25

Mengalé-ngaléi uman ung kamang tatambér ni Opo Empung é menaté-natér ni kamu péléng.

Ibrani 13:3

Pahgenangela sé tou witi bui tanumokan ni kamu ém binui karia néra. Pahgenangen kasiila sé tou pahzézéhan tanumokan ni kamu ém pahzézéhan tanu ni séra.