Kolose 4:15 - Taaz Weru Witu u Nunuwu'en Tombulu

¹⁵ Ipapaayopé'la u sigi' nai wia sé katuari esa pa'émanen witi Laodikia; téntu kangkasii wia si Nimfa wo sé jamaat sé meraragés wia si Opo Empung witi waléna.

Kolose 4:15 Iomraidhean Croise

Roma 16:5

U sigi'ku wia sé jamaat witi walé néra. U sigi'ku wia si Epenetus, si katuari esa pa'émanen ikararaatéku. Ni sia si kataré-taré nima'éman wia si Kristus im witi tana' Asia.

1 Korintus 16:9

Pahpaan lakez un oras ni aku i maayang am papaayangen totoz ipahpuu-puuna, zozo' lakez sé soo ni aku.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Kolose 4:13

Ni aku in esa é nimileko wo timalingamo i si Epafras nima'ulito nimaayang wia ni kamu wo im wia sé tou witi Laodikia wo sé witi Hierapolis.

Kolose 4:16

Wo sa um pinantik kenu ém binacamoma im wia ni kamu, pahtututu'en kangkasiila im bacana wia sé jamaat witi Laodikia. Téntu kangkasii um pinantik méiwéhé wia sé jamaat witi Laodikia én ibaca wia ni kamu.

Filemon 1:2

wo wia si Apfia katuarita wéwéné esa pa'émanen wo wia si Arkhipus, si kakaria i mahpaayang wia si Kristus wo wia sé jamaat nimaréwok i meraragés wia si Opo Empung witi walému.