Kolose 4:12 - Taaz Weru Witu u Nunuwu'en Tombulu

¹² U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

Kolose 4:12 Iomraidhean Croise

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Lukas 1:1

Ama' Teofilus pahsigi'engku, lakez sé tou nimahtututu'la i nimantik tumoro a nimamuali i si Yesus memali-malipé' karia ni kita.

Lukas 22:44

Si Yesus én totoz mengali a Sia uli-ulit mengaléi. U rungkéz-Na én tanumokan zaha' a mahtihisa witu un tana'.]

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Roma 15:14

Katuari-katuariku, kata'uangku i ni kamu é mawuta-wutamo karia am wangun wo péléng ang kata'uan wo makawawa i sumésa wia si esa wo si esa.

Roma 15:30

Pahpaan ni aku nima'esamo karia ni Yesus Kristus si Mahpiarata wo karia u raraatéan ni Roh Lenas, ni aku mahaléi wia ni kamu katuari-katuari wo kita enté' i mahmengaléi mahwali-wali tumoro ni aku wia si Opo Empung.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Kolose 1:22

In tarékan, mengiité un awak ni Yesus Kristus i ni Sia nimaté sinalip, si Opo Empung nimangun ni kamu nimalé'osan sumaup karia-Na. Karia in téntu, ni kamu é linenas-Na wo weresi wo zéi'kan siapa um pahséro'an im witu u sinaru-Na.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

Kolose 1:29

Niitumo um pahtututu'engku wo pa'ulitengku im paayangen karia péléng ung ketez u méiwéhémé mengiité ung kawasa ni Kristus u ma'ulit mahpaayang witu un touku.

Kolose 1:7

Si Epafras si kapaayang totoz ikararaaté nai, ni sia si timuzu' niana péléng wia ni kamu. Im wia ni kamu, ni sia én ata ni Yesus Kristus si toro pa'émanen.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 4:9

Ni sia é mangé karia ni Onesimus, si katuari esa pa'émanen, si esaané im wia ni kamu. Ni sia kasii én tou mahtali-talinga uman wo ni kai é rumaraaté ni sia. Ni séra zua é makumua wia ni kamu péléng a nimamuali wia un tampa nai kenu.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

Filemon 1:23

Si Epafras, si kakariaku im binui pahpaan si Kristus Yesus é mapaayoma u sigi'na wia ni ko.

Ibrani 5:14

Taan sé tou mahnanaram un tou néra i mahtotoz wisa u lé'os wo wisa u léwo', ni séra én tanu sé tou tu'amo sé mahkan ang kakanen ketéh.

Ibrani 5:7

Si Yesus i menou-noupé' wia ung kaayahan kenu, karia i mahkérét wo pahlué'an, ni Sia mengaléi wia si Opo Empung pahpaan si Opo Empung uman si makawawa i milot ni Sia im witu um patéan. Pahpaan ni Sia mahtali-talinga si Opo Empung, um pengaléien-Na én tinalinga ni Opo Empung.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

Yakobus 1:4

Tia' mazéi' i ma'éman zozo' lakez am pema'wa'en makaz ung kaezenan niou uli-ulit malekep, wo ni kamu lekep wo wutul im wana am péléng.

Yakobus 5:16

Pahpaano niitu, si esa wo si esa é léwo'zéi' i makaulitla a singkéla'na wo pahpengaléila si esa im wia sé walina, wo kamu malé'os. Um pengaléien né tou ulit én totoz wangko' ung kawasana wo wéwéhan wua'na.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.