Kolose 4:10 - Taaz Weru Witu u Nunuwu'en Tombulu

¹⁰ Si Aristarkhus, si binui kariaku é mapaayoma u sigi'na wia ni kamu. Téntu kangkasii si Markus, si oki' né mahtuari wo si Barnabas. (Tumoro ni sia ni kamu é nimakaileko um perénta; sa sia méyé wia ni kamu, sungkulela sia.)

Kolose 4:10 Iomraidhean Croise

Kisah Rasul-rasul 12:12

I nimakagena-genangola a sia mangé witi walé ni Maria ina' ni Yohanes. Si Yohanes ém pahkuan kangkasii i Markus. Im witu é lakez sé tou nimaréwok wo mahmengaléi.

Kisah Rasul-rasul 12:25

I si Barnabas wo si Saulus simampetomé um paayangen néra witi Yerusalem, a séra mawurimé witi Antiokhia. Ni séra i nimawurimé é nimahwalimé si Yohanes, si pahkuan kasii i Markus.

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 13:5

I méikaayomola witi Salamis, ni séra zua é mahwoka' u Nuwu' ni Opo Empung wana am walé peraragésan né tou Yahudi. In toro niitu si Yohanes é méipahwali néramé i sumawang ni séra.

Kisah Rasul-rasul 19:29

Péléng am witi wanua tua'na Efesus é nimarikoka'. Sé tou lakez é nimahwalima i matimion si Gayus wo si Aristarkhus an ipahwalima witi tampa peréréwokan né tou lakez. Ni séra zua én tou Makedonia wo kawali ni Paulus.

Kisah Rasul-rasul 20:4

Wéwéhan sé woopira tou sé kimiit si Paulus. Ni séra é: si Sopater oki' ni Pirus si witi Berea a méyé, si Aristarkhus wo si Sekundus sé witi Tesalonika a méyé, si Gayus si tou Derbe, si Timotius wo sé tou zua makangaran Tikhikus wo Trofimus sé witi Asia a méyé.

Kisah Rasul-rasul 27:2

Ni kai simakéma londéi tua'na witi Adramitium u mangé wana a susuwaan wana an tembir un tasik witi Asia. A ni kai rengan i suméngkota. Si Aristarkhus si tou Makedonia witi wanua tua'na Tesalonika a méyé éng kimiité ni kai.

Kisah Rasul-rasul 4:36

Si Yusuf si pahkuan né aatu ni Yesus im ‘Barnabas’ ung kalakoana é mahenté' un até né tou wo ni sia kangkasii é suzu ni Lewi si nimatou witi Siprus é nimangun kangkasii un téntu.

Roma 16:2

Sungkulen nioula sia pahpaan i nimaesa karia ni Mahpiara, tanu um pahwangunen né tou ni Opo Empung. Wo sawangala sia sa wéwéhan am pemandungenna, pahpaan lakezo sé sinawanganna, kariamo ni aku.

Roma 16:7

U sigi'ku wia si Andronikus wo si Yunias sé kawanuaku, sé im puuna ém binui kariaku. Ni séra ém pahsigi-sigi'en im wia sé aatu ni Kristus. Ni séra sé puuna ma'éman si Kristus taan ni aku.

2 Timutius 4:11

Akazokan si Lukas si mahento' kariaku. Niitumo, sungkulena si Markus wo iwalimé wia'i, pahpaan ni sia én totoz pemandungengku i sumawang ni aku wana am paayangengku.

Filemon 1:23

Si Epafras, si kakariaku im binui pahpaan si Kristus Yesus é mapaayoma u sigi'na wia ni ko.

Filemon 1:24

Si Markus, si Aristarkhus, si Demas wo si Lukas sé kakaria kapaayangku kasii é mapaayoma u sigi' néra wia ni ko.

1 Petrus 5:13

Maan sé jamaat wia am Babel sé pinéléng ni Opo Empung é mapaayoma u sisigi'an wia ni kamu. Téntu kangkasii si Markus si nimaéndomola tanu an oki'ku é méhéma u sisigi'an wia ni kamu.