Kolose 3:8 - Taaz Weru Witu u Nunuwu'en Tombulu

⁸ Taan in tarékan, itula'umola péléng ang kenu: an upi', a raranguan, a léwo'an, mahtawuruk, wo a sasalou a mahondolé witu u sumah niou.

Kolose 3:8 Iomraidhean Croise

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Markus 7:22

a samek, an angkum, a léwo', a siga menowo, a lelo léwo' un awak, téutéu, a mahtawuruk, am wera' wo ang kimawal.

Roma 13:13

Méyémo kita menou-nou karia im wangun tanu am pahwangunen né tou in endo. Tia' memésta-mésta uman wo mapahtetewelen, tia' mahsamek wo mahkiit uman a lelo léwo' un awak. Tia' mahéndo-éndoan wo mahtétéutéuan si esa wo si esa.

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

Galatia 5:15

Taan sa kamu mahkoro' wo mahsususaan un tanumokan i mahkikikian wo mahnenepnepan, mile-ilek én taa kamu mahwuwunu'ala!

Galatia 5:20

mahongkot wo mahsigi' wia sé opo-opo, mahriara, lakez kakoro', tangkoro'en, téutéu, uupi'en, memandung uman un tou in esa, mangun sé tou makahkoro', mahwangun sé tou makayo',

Galatia 5:26

Tia' kita maloozan, wo tia' kita mahpapasu'an wo mahtétéutéuan.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

Efesus 4:25

Niitumo, tia'mo mahtowo taan mahkua umanla an ulit wia si esa wo si esa pahpaan ni kita péléng é masuat in esaané im witu un awak ni Kristus.

Efesus 4:26

Sa kamu maupi', tia'mo pahpaan un upi' niou itii mangun ni kamu sumingkéla'. Tia'mo mengupi-ngupi' makaz si endo i muntep,

Efesus 4:29

Tia'mo a nunuwu'en saparuni mahondolé im witu u sumahmu. Taan mahnuwu' umané am wangun i sumawang sé tou walina i ni séra memandung a sasawang, wo sé tou timalingama u méipahnuwu'muma é makailek ung kamang.

Efesus 5:4

Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

Kolose 3:9

Tia' im wia ni kamu, si esa é mahtowo im wia sé walina, pahpaan ni kamu in tarékan én timula'umomé ung katou-touan uré karia am pemangu-mangunenna.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

1 Timutius 1:20

Im wia ni séra é si Himeneus wo si Aleksander. Ni séra zua é mémoiwéhékula wia si tonaas né sétang wo séra maseso'la i mahséro' wia si Opo Empung.

Ibrani 12:1

Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.

Yakobus 2:7

Zéi'kankuaa ni séramo sé mahséro' u Ngaran totoz pahsigi'en, u nimangun ni kamu nimaéndo tou ni Opo Empung?

1 Petrus 2:1

Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

2 Petrus 2:7

Taan si Lot én tinulung-Na pahpaan ni sia é mahwangun an ulit ang kapaaz-Na. Si Lot én totoz in zézéha pahpaan am pemuali-mualin né tou sé zéi'kan mazéi' i mahmuali a léwo' a mahkiit uman a lelo léwo' un awak néra.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.

Yudas 1:8

Téntu kangkasii sé tou mengingipi itii é mahkilamu' an awak néra wo meroros ung kawasa ni Opo Empung wo kasii mahséro' wia péléng sé pahloozen wo pahsigi'en witi kasendukan.

Wahyu 16:9

Sé tou é lina'unga karia um pasu'na un api totoz wuaya. Niitumo, ni séra é mahséro' u ngaran ni Opo Empung, si mahkawasa wana péléng a meléwo' itii wo ni séra é soo tumula'u a singkéla' néra i lumooz wo sumigi' ni Sia.