Kolose 3:4 - Taaz Weru Witu u Nunuwu'en Tombulu

⁴ Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

Kolose 3:4 Iomraidhean Croise

Matius 13:43

In toro niitumo, sé tou niéndo ulit ni Opo Empung é sumena' tanu si endo witi Kakolanoan ni Ama' néra. Séi si wéwéhan lunteng é mahtalingama lé'os!”

Lukas 17:30

Téntumo a mamuali witu un endo i si Oki' ni Tou mapailek un tou-Na im woosawisa.

Yohanes 11:25

Ang kuan ni Yesus wia ni sia, “Ni Akumo si tumou sumaup sé nimatémo wo mahwéhé ung katou-touan. Séi uman si ma'éman wia ni Aku, ni sia é mamenou-nou zozo' ni sia nimatémo.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Kisah Rasul-rasul 3:15

Ni Sia si mahwéhémé un uli-ulit katou-touan wia péléng sé tou ém winunu' niouola. Taan ni Sia é méitoumomé sumaup ni Opo Empung im wia sé nimatémo. Ni kaimo sé nimilek a nimamuali itii.

Roma 8:18

Pahpaan totoz kata'uangku, an zézéha pahpendanenta in tarékan zéi'kan mata'u pasuaten karia u lolooz wo u sisigi'an u maipapailek wia ni kita.

Roma 8:19

Pahpaan péléng sé wia ung kaayahan én totoz melelo i ma'ento' un oras i si Opo Empung mapata'u sé maéndo oki'-Na.

1 Korintus 1:7

Pahpaano niitu, péléng an tatambér ni Roh Lenas ém wiamo ni kamu, karegas ni kamu i ma'ento' si Yesus Kristus Mahpiarata i mawurimé sumaup.

1 Korintus 15:43

Un awak ni tou nimatémo an ileweng én awak maléwo'. Taan ni sia in itoumé sumaup ni Opo Empung ém winéhan un awak wangun. U méileweng én awak zéi'kan enté', taan un awak itii in itoumé sumaup ni Opo Empung én enté'.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

1 Tesalonika 4:17

Kumawusa niitu, ni kita sé menou-noupé' in toro niitu ém wénéten karia néra witu u ninahak i sumungkul si Yesus Mahpiara witi langit. Téntumo kita péléng é mamemali-mali karia-Na makaz ing kauré-uré.

1 Timutius 6:14

pahkiitennula lumé'o-lé'os um perénta kenu karia in zéi'kan siapa sinala' wo zéi'kan siapa pahséro'an, makaz witu un oras si Yesus Kristus Mahpiarata i méyé sumaup,

2 Timutius 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus i mahwoka' un taaz-Na, i sé tou ma'éman si Kristus Yesus é mamenou-nou makaz ing kauré-uré.

2 Timutius 4:8

In tarékan ung kukulu iwéhé wia ni aku é niimeko ni Opo Empung, pahpaan ni aku é nimangunola an ulit witu u sinaru-Na. Ni Sia én zéi'kan mahsanaweka i mahtotoz ulit kaapa zéi'kan am pahwangunen né tou. Zéi'kan uman ni aku si makailek niitu, taan maan péléng sé ma'ento' si Yesus i mawurimé sumaup.

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 5:4

Wo i si Kristus si memimiara sé domba si totoz wangko' itii i mawurimé sumaup, ni kamu in tonaas né jamaat é makailek ung kukulu un totoz wangun un zéi'kan mahléwo-léwo'la.

1 Yohanes 2:28

Niitumo in tarékan, é kamu sé oki'ku, ni kamu é léwo'zéi' i menou-nou nimaesa karia ni Kristus, wo sa Sia méyémo sumaup im witu un endo itii, ni kita én zéi'kan maindé' wo zéi'kan maizang wia ni Sia.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

1 Yohanes 5:12

Séi si simungkul si Oki' ni Opo Empung, ni sia é makailek ung katou-touan makaz ing kauré-uré. Séi si zéi'kan simungkul si Oki' ni Opo Empung, ni sia én zéi'kan makailek ung katou-touan itii.

Yudas 1:24

Wia ni Sia si mahkawasa si mahtéiz wia ni kamu én taa kamu ikasundui, wo si nimahwali ni kamu sé zéi'kan siapa um pahséro'an karia i mahpaa-paaz i marumendai sumaru witu un tampa-Na um pahloozen wo pahsigi'en.

Wahyu 2:7

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia én énéang-Ku ing kuman um wua'na ung kai u mahwéhémé ung katou-touan, um witu un Uma ni Opo Empung.’ ”

Wahyu 22:1

An ipapailek kasiimé ni malaekat itii wia ni aku u so'so'an un zanona é mahwéhé ung katou-touan. Un zanona én totoz léno tanumokan ung kaléno ung kristal. Wo un zano itii é mahso'so' mahondolé witu um wawa' u rurumezan ni Opo Empung ing Kolano wo ni Anak ni Domba.

Wahyu 22:14

Mahpaa-paazola sé tou mahkemes ang karai tonton néra akaz i maweresi. Pahpaan ni séra én toro kuman am wua'na ang kai u mahwéhémé ung katou-touan wo toro muntep witu um wanua tua'na itii lumangkoia wana am pepenet tua'na.