Kolose 3:3 - Taaz Weru Witu u Nunuwu'en Tombulu

³ Pahpaan ung katou-touan niou im puuna u mahkiit uman u lelo léwo' wia ung kaayahan é mémoitula'u nioula, ni kamu én tanu nimatémo. In tarékan ung katou-touan niou én zéi'kan katulapan né tou pahpaan ni kamu é nimaesamo karia ni Kristus, si nimaesa karia ni Opo Empung, witi kasendukan.

Kolose 3:3 Iomraidhean Croise

Matius 11:25

In toro niitu si Yesus mengaléi, “Ni Aku kumuama u makasé wia ni Ko, Ama', Opo Empung u langit wo ung kaayahan, pahpaan niana é méiwuni ni Ama' im wia sé tou tulap wo lakez ang kata'uan. Taan niana é méipapailek ni Ama' wia sé tou kanaramen sé mahkii-kiit uman tanu sé koki'.

Yohanes 14:19

Zéi'mo mauréma sé tou wia ung kaayahan kenu én zéi'mo milek ni Aku. Taan ni kamu é mamilek ni Aku, pahpaan ni Aku é menou-nou wo ni kamu kangkasii é mamenou-nou.

Yohanes 3:16

Pahpaan si Opo Empung totoz rumaraaté péléng sé tou wia ung kaayahan kenu, niitumo ni Sia timambéré si Oki'-Na si esa uman, wo péléng sé tou ma'éman ni Sia zéi'kan maté, taan makailek ung katou-touan makaz ing kauré-uré.

Yohanes 4:14

taan séi uman si melep un zano iwéhé-Ku, ni sia én zéi'mo maré'o makaz ing kauré-uré. Pahpaan un zano iwéhé-Ku é maéndo tanu ung kembu'an witu un touna u mengembu-ngembu' uman wo mahwéhé ung katou-touan makaz ing kauré-uré wia ni sia.”

Yohanes 5:21

Pahpaan tanu si Ama' én tumou sumaup sé tou nimatémo wo méhé wia ni séra ung katou-touan, téntu kangkasii si Oki' é méhé ung katou-touan wia si séi uman si kapaaz-Na.

Yohanes 5:24

Uli-ulit ikua-Kuma wia ni kamu: Séi uman si timalinga u méikua-Ku wo ma'éman wia ni Sia si nimatumé ni Aku, si tou itii é makailek ung katou-touan makaz ing kauré-uré wo zéi'kan makailek un ukuman, pahpaan ni sia é méikapilotomé im witu um patéan wo niméramoma witu ung katou-touan.

Yohanes 5:40

Taan ni kamu é soo méyé wia ni Aku i makailek ung katou-touan makaz ing kauré-uré.

Roma 5:10

I ni kita makahkoro'pé' karia ni Opo Empung, a si Oki'-Na nimaté pahpaan ni kita akaz ni kita nimawurian sumaup karia ni Opo Empung. Woopé' kasii in tarékan. Sa kita nimawuriano sumaup karia ni Opo Empung, tantumo ni kita én ipiloté im witu un ukuman wana a singkéla', pahpaan ni Sia é mémoitoumé sumaup ni Opo Empung.

Roma 5:21

Niitumo, im puuna sé tou menou-nou kinawasa u singkéla', niitu kangkasii u nimahwali ni kita witu um patéan. Téntu kangkasii, pahpaan ung kamang méitambér ni Opo Empung éng kimawasa wia ni kita, ni kita é niéndo ulit i makailek ung katou-touan makaz ing kauré-uré, pahpaan si Yesus Kristus Mahpiarata.

Roma 6:11

Ni kamu kangkasii é léwo'zéi' mahgenangla i ni kamu é nimatémo wana a singkéla', taan ung katou-touan niou ém wia uman si Opo Empung mengiité si Kristus Yesus.

Roma 6:2

Zéi'kan! A singkéla' én zéi'mo kimawasa wia ni kita, kaa kahuman kita memua-mualipé' a singkéla'?

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

1 Korintus 15:45

Tanu u méipantik witu um Pinantik Lenas in téntii, “Si Adam é si tou kataré winangun ni Opo Empung a sia wéhan-Na ung katou-touan.” Taan si Adam totoz kamurian é si Kristus. Ni Sia é si Roh si mahwéhé ung katou-touan wia sé tou.

1 Korintus 2:14

Taan si tou zéi'kan siapa Roh ni Opo Empung é soo tumalinga an ipahtuzu' ni Roh ni Opo Empung, pahpaan niitu ém pahkuana ing kalemouan. An ipahkua ni Roh ni Opo Empung én zéi'kan kata'uanna, niitu é makata'uannamokan sa si Roh ni Opo Empung sumawang ni sia i mata'u niitu.

2 Korintus 5:14

Niana péléng ém pahwangunen nai, pahpaan u raraatéan ni Kristus ung kimawasa ni kai. Pahpaan ung kalakoana éng kata'uan naimo, im puuna ni Sia i nimaté é simawel péléng sé tou. Niitumo, péléng sé tou én tanu nimatémo.

2 Korintus 5:7

Pahpaan ni kai i menou-nou wia ung kaayahan kenu, ung katou-touan nai é mahkiit um pa'émanen nai wia si Kristus, zéi'kan mahkiit am pahileken nai.

Galatia 2:20

In tarékan, zéi'mo ni aku si menou-nou taan si Kristus si menou-nou wo mahkawasa witu ung katou-touangku. Witu ung katou-touangku wia ung kaayahan in tarékan kangkasii, ni aku é menou-nou witu um pa'émanengku wia si Oki' ni Opo Empung, si totoz rimaraatémo ni aku wo niméhémo un tou-Na in esa wia ni aku.

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

Filipi 4:7

Sa kamu mengaléi tanu niitu, si Opo Empung é méhé ung kaluasan witu un até niou, ung kumelung un até wo ung genang niou, pahpaan nimaesa karia ni Kristus Yesus. Ung kaluasan witu un até u méiwéhémé ni Opo Empung itii, zéi'kan katulapan karia ung katulapan niou in tou uman, pahpaan niitu ém wia si Opo Empung in esa a méyé.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

Kolose 2:20

Ni kamu én tanu nimatémo karia ni Kristus, wo mémoipiloté im witu ung kawasa né roh léwo' wia ung kaayahan, kaa kamu kinawasapé' a léwo'an wia ung kaayahan? Kaa kamu menou-nou mahkiitpé' an tinotoz né wia ung kaayahan, in téntii:

Kolose 2:3

Mengiité si Kristus ni kita én toro mata'umé péléng ang katulapan wo ang kata'uan ni Opo Empung un im puuna é méikawunipé'.

Kolose 3:4

Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

Ibrani 7:25

Niitumo ni Sia én uli-ulit makawawa i milot péléng sé tou im witu un ukuman wana a singkéla', sé méyé wia si Opo Empung mengiité ni Sia. Pahpaan ni Sia menou-nou makaz ing kauré-uré wo ni Sia zéi'kan mazéi' i mahmengaléi ni séra wia si Opo Empung.

1 Petrus 3:4

Taan u nimangun ni kamu kéndis ém witu un até a méyé un zéi'kan mahzéi-zéi'la tanu ang kenu: eluz uman wo zéi'kan mengupi-ngupi'. Niitumo un totoz kapaaz ni Opo Empung.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

Wahyu 2:17

Séi si wéwéhan lunteng é mahtalingama lé'os an ipahkua ni Roh ni Opo Empung wia sé jamaat: Si tou nimuntung, ni sia ém wéhang-Ku manna a méiwunipé', wo ni sia kasii ém wéhang-Ku um watu kulo', um wawona ém pinantikan u ngaran weru un akaz uman si makaanu si mata'u u méipantik witu, zéi'kan siapa walina.’ ”