Kolose 3:23 - Taaz Weru Witu u Nunuwu'en Tombulu

²³ Apa uman um pahwangunen niou, wangunela niitu uli-ulit im witu un até niou tanu i mahpaayang wia si Mahpiara, zéi'kan mahpaayang wia si tou.

Kolose 3:23 Iomraidhean Croise

Matius 6:16

Kuan kasii ni Yesus, “Sa kamu mahpuasa, tia' ang gio niou ém pahileken in tekur tanu sé tou mahgau-gau lé'os. Pahwangu-wangunen néra ang gio néra, wo sé tou é mileké ni séra kare- gas i mahpuasa. Uli-ulit ikua-Kuma wia ni kamu: Ni séra é nima- kailekola um wawaér wia ni séra.

Roma 14:6

Si tou mahsanapa' un endo esa, ni sia é nimangun niitu i sumigi' si Mahpiara. Séi si mahkan apa uman un toro kanen, ni sia é nimangun niitu i sumigi' si Mahpiara, pahpaan ni sia éng kimua u makasé wia si Opo Empung. Wo si zéi'kan mahkan am wayaan uman, ni sia kangkasii é nimangun niitu i sumigi' si Opo Empung, pahpaan ni sia kangkasii éng kimua u makasé wia si Opo Empung.

Roma 14:8

Sa kita menou-nou, ni kita é menou-nou wia si Mahpiara, wo sa kita maté, ni kita maté wia si Mahpiara. Niitumo, ni kita i menou-nou kaapa i nimaté, ni kita én anu ni Mahpiara.

Efesus 5:22

Ni ko im wéwéné makamahayo é mahtali-talingala wia si mahayomu tanu ni ko i mahtali-talinga si Mahpiara.

Kolose 3:17

Péléng am pahnuwu'en niou kaapa péléng am pahwangunen niou, péléng niitu ém wangunela mengiit u ngaran ni Yesus Mahpiara, karia i mahkua u makasé wia si Opo Empung, si Ama'ta mengiité si Yesus.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

1 Petrus 2:13

Pahpaan si Mahpiara, ni kamu é léwo'zéi' i mahtalingala wo mahkiitla sé pemerénta sé winéhan kawasa, rengana wia si kolano si totoz mahkawasa,

1 Petrus 2:15

Un totoz kapaaz ni Opo Empung ni kamu é mahwangun a lé'os. Pahpaan karia in téntu ni kamu é nimangun a sumah né tou lemou ing kumana'la im wayaan uman ang kanuwu'an tumoro ni kamu.