Kolose 3:20 - Taaz Weru Witu u Nunuwu'en Tombulu

²⁰ É kamu sé koki', mahtali-talingala wia sé tu'a niou wana am péléng, pahpaan niitu ung kapaaz ni Mahpiara.

Kolose 3:20 Iomraidhean Croise

Matius 19:19

pahsigi'ela si ama'mu wo si ina'mu, wo iraraatéla sé kasuatmu tou tanu ni ko i rumaraaté un toumu in esa.”

Efesus 5:24

Niitumo, kuramo sé jamaat i mahtali-talinga wia si Kristus, téntumo si wéwéné makamahayo i mahtali-talinga wia si mahayona im wana am péléng.

Filipi 4:18

In tarékan si Epafroditus é nimahalimomé a raragés méiwéhé nioué wia ni aku, niitumo ni aku nimakailekomé péléng am pemandungengku um wia ni kamu a méyé. Lumouspé'tarémé niitu é malake-lakezo a méiwéhé nioué. A méiwéhé nioué én totoz wangun wo niitu én tanu u raragés mahwou tariis ung kapaaz ni Opo Empung.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.

Titus 2:9

Sé ata é léwo'zéi' i mahtali-talinga wia si tuang néra wo mahwangun si tuang néra i mahpaa-paaz im wana am péléng, tia' mahwingkot,

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.